سەرنووچە:

سەدەما پاشکەفتنا پشکا هەرێمێ هاتە ئاشکەراکرن

فۆتۆ: 
2021-05-04

1093 جار خوێندراوەتەوە

لژنەیا دارایی یا پەرلەمانێ عێراقێ سەدەما پاشکەفتنا هنارتنا پارەی بۆ هەرێمێ ئاشکرادکەت.

بڕیاردەرێ لژنەیا دارایی یا پەرلەمانێ عێراقێ ڕاگەهاند، بتنێ ب سەدەما هونەری و تەکنیکی پشکا هەرێما کوردستانێ پاشکەفتیە.

ئەحمەد سەفار بڕیاردەرێ لژنەیا دارایی یا پەرلەمانێ عێراقێ بۆ ئێن ئاڕ تی ڕاگەهاند، سەدەما نە هنارتنا پشکا هەرێمێ د بودجەیێ گشتیێ عێراقێ دا گرێدایە ب ماددی ١١ێ ژ پرۆژە یاسایێ ڤە، چونکی هەردوو ئالی لهەڤهاتینە لسەر دروستکرنا لژنەیەکا تەکنیکی و هونەری دەربارەی داهاتێ پەتڕۆلێ و نەپەتڕۆلێ.

ئەحمەد سەفار دبێژیت، پاشکەفتن بتنێ ژبەر سەدەما هونەری و تەکنیکیە ئەگەر نە بڕیاربوو ل ١ی مەها دەربازبووی چووبا د بواری جیبەجێکرنی دا و پێتڤێ بوو چەند لژنەیەک ل هەرێما کوردستانێ بچنە بەغدا لسەر دیارکرنا داهاتێ هەرێمێ.

ئەڤە د دەمەکیدایە، پشکا هەرێمێ د بودجەیێ عێراقێ دا ١٢.٦٧% هاتیە دیارکرن، حکومەتا هەرێمێ هاتیە پابەندکرن ب رادەستکرنا ٢٥٠ هزار بەرمیلێن پەتڕۆلێ ب بهایێ سۆمۆ دگەل رادەستکرنا نیڤا داهاتێ دەرازینکێن سنوری.

م.م