سەرنووچە:

شاندەکێ بلندێ ئەمریکا ل بەغدانە و دگەل کازمیدا جڤیان

فۆتۆ: 
2021-05-04

68 جار خوێندراوەتەوە

نڤیسینگەها سەرۆکوەزیرێن عێراقێ ڕاگەهاند، شاندەکێ بلندێ ئەمریکا ب سەرۆکایەتیا برێت مەکگورک بسەرەدانەکا فەرمی گەهشتنە بەغدا و ژ ئالیێ سەرۆکوەزیران پێشوازی لێهاتەکرن.

نڤیسینگەها مستەفا کازمی سەرۆکوەزیرێن عێراقێ د ڕاگەهاندنەکیدا بەلافکریە، شاندەکێ بلندێ ئەمریکا ب سەرۆکایەتیا برێت مەکگورک رێکخەرێ کۆچکا سپی بۆ کاروبارێن رۆژهەلاتا ناڤەراست و باکورێ ئەفریقا ب هاوەلی دێریک شۆلیت راوێژکار ل وەزارەتا دەرڤە و جۆی هید هاریکارێ وەزیرێ دەرڤە بۆ کاروبارێن رۆژهەلاتا ناڤەراست و دانا سترۆل هاریکاری وەزیرێ بەرەڤانیێ بۆ کاروبارێن رۆژهەلاتا ناڤەراست گەهشتنە بەغدادا پایتەختێ عێراقێ و ژ ئالیێ مستەفا کازمی سەرۆک وەزیران پێشوازی لێهاتەکرن.

ل گورەی راگەهاندنێ، د جڤینەکێدا دەربارەی هەماهەنگی و هاریکاری و کاری هەڤبەش د بیاڤێن جیاواز دا گوتوبێژ کریە.

ئەو ژی یا هاتی، پێداگیری کر لسەر چالاککرنا بریارێن لهەڤهاتنا ستراتیجی دناڤبەرا عێراق و ئەمریکا بتایبەتی بابەتێن ڤەکێشانا سوپایێ ئەمریکا و گرنگیپێدانا هاریکاریکرن و بەرفرەهکرنا بیاڤێ بازرگانی و کەلتوری و ئابوری.

هـ.ر