سەرنووچە:

گیانەوەرێن بێ خودانێن دهۆکێ دێ هێنە خۆدانکرن

جهەکێ مودرێن
فۆتۆ: 
2021-05-04

408 جار خوێندراوەتەوە

پلان بۆ جهەکێ ١٠ هزار مەتری ل دهۆکێ بۆ خۆدانکرنا گیانەوەرێن بێ خۆدان هاتیە دانان، ئەو جهە دێ وەک جهەکێ گوزاری بیت کو خەلک ژی بشێن سەرەدانێ بۆ بکەن.

سلێمان تەمەر بەرپرسێ رێکخراوا کوردستان بۆ پاراستنا مافێن گیانەوەران بۆ ئێن ئاڕ تی ڕاگەهاند، ل سالا ٢٠٠٩ لسەر دەمێ تەمەر رەمەزانی مە پرۆژە پێشکێشکر، پشتی جهەک بۆ پرۆژێ مە هاتیە دەستنیشانکرن، ب هاریکاریا باژێرڤانیا دهۆکێ بۆ دەمێ شەش مەهان ئەم کارین ئەندازەیەکێ درۆستکەین، کو پێکدهێت ژ کارگێری، پارکا تڕومبێلان کلینیکا نوژداریا گیانەوەران، جهێ ڤەمانا سەیان و مالا پشیکان و جهەکێ ب خۆدانکرنا دەواران.

 ئاماژە ب وێیەکی ژیکر، مەرەما مە ژ ڤی پرۆژەی ئەوە دگەل خودانکرنا گیانەوەران، جهەکێ مودرێن بیت بۆ بهێن ڤەدانێ وەک پارکەکێ، دێ جهەکێ تایبەت بۆ یاریێن زارۆیان هێتە دانان.

دەربارەی تەمامکرنا پرۆژەی ژی گوت، هەر ژ پێنگاڤا ئێکێ یا ئەندازیاریێ و دگەل کوگەهان و ئاڤ و کارەب و هەمی خزمەت گوزاریێن پرۆژەی، مەزاختیێن ڤی پرۆژەی پێتڤی نێزیکی ئێک ملیار و ٢٠٠ ملیۆن دیناران هەیە، لێ تا نوکە ئەو کوژمە لبەردەست نینە.

سلێمان تەمەر دا دیارکرن، "بسەدەمێ مەترسیا ژێ وەرگرتنا وی ئەردی ژ مە، مە دڤێت بهیتە سیمە کرن و هندەک داران لێ ب چینین".

بەحسا وێیەکی ژیکر، دەبارەی خارنا وان گیانەوەران دێ مە هەڤبەندی د گەل خۆدانێن خارنگەهان هەبیت، ئەو خارنا د مینیت یان زێدە دکەت دێ بۆ وی پرۆژەی بەین.