سەرنووچە:

پارکەک ب رۆبەرێ ٩٠٠ دونەمێن ئەردی دێ ل دهۆکێ هێتە دروستکرن

فۆتۆ: 
2021-05-04

1078 جار خوێندراوەتەوە

ل دهۆکێ پارکەکا ٩٠٠ دونەمی دێ هێتە دروستکرن مەرجەک ژی بۆ ئاڤاکرنا خانیان هاتیە دانان.

 ئیسماعیل مستەفا پەیڤدارێ باژێرڤانیا دهۆکێ بۆ ئێن ئاڕ تی ڕاگەهاند، بۆ زێدەکرنا رێژەیا کەسکاتیێ ل پارێزگەها دهۆکێ دێ پارکەک لسەر رۆبەرێ ٩٠٠ دونەمێن ئەردی بۆ پارێزگەها دهۆکێ ل رۆژئاڤایێ باژێری ل دەڤەرا ئالۆکا هێتە دروستکرن، دەربارەی نەخشێ وێ ژی دبێژیت، هێشتا یەکلانەبویە و گوهرانکاری دێ بسەردا هێن.

 ئاماژە ب وێیەکێ ژیکر، ئەو ل بەندا وەزارەتا چاندنێ نە داکو وی رۆبەری بدەتە دەستێ باژێرڤانیێ و کار لسەر بهێتە کرن، دەربارەی وان پارچە زەڤیێن وەلاتیان یێ کەفتینە بەر وان ٩٠٠ دەنەمان ژی گوت، ئەو کەسە دێ هێنە قەرەبۆکرن.

بەحسا وێ یەکێ ژیکر، ل گورەی ستاندارتێن جیهانی پێتڤیە رێژەیا کەسکاتیێ د باژێری دا ٢٠% و زێدەتربیت ددەمەکیدا ل دهۆکێ ١٣,٦%ـە.

 دبێژیت ژی، بۆ زێدکرنا رێژا کەسکاتیێ ل باژێرێ دهۆکێ، مەرجەکێ دانا مولەتا ئاڤاکرنا خانیا ئەوە کو دوو یان سێ داران ل پێشیا خانیێ خۆ ب چینیت.

 لسەر هشکە سالیێ و ئاڤدانا پارکان ژی د بێژیت، مە وەکو باژێرڤانی هندەک بیر ل ناڤا باژێری هەنە کو بۆ ڤەخارنێ مفا ژێ ناهێتە وەرگرتن، ئەم وان بیران بۆ ئاڤدانا هندەک پارکێن خۆ بکار دئینین.