سەرنووچە:

حکومەت: مە حەفت هزار دوو موچە یێن ڕاگرتی

فۆتۆ: 
2021-05-04

432 جار خوێندراوەتەوە

رێڤەبەرێ ئامارێ ل خانەنشینا هەرێمێ ڕاگەهاند، دەستکریە ب راگرتنا موچەیێ وان کەسێن کو زێدەتر ژ موچەیەکێ هەی، هەروەسا دبێژیت، تا نها حەفت هزار کەسا موچەیێ وان هاتیە ڕاگرتن.

سەباح موخلیس رێڤەبەری ئامارێ ل خانەنشینا هەرێمێ بۆ رۆپەلا پارتی بەحس ژ وێ یەکێ ژی کریە، ئەو وەکی خانەنشینێن هەرێمێ ١٤ رێڤەبەرایەتی ل گشت هەرێما کوردستانێ دا یێن هەین و داخاز ژ هەمیان کریە، کو هەر کەسەکێ زێدەتر ژ موچەیەکێ هەی رابگرن.

هەروەسا رێڤەبەریا ئامارێ دبێژیت، ئەو دێ ئێکلایی کەن کو کی زێدەتر ژ موچەیەکێ وەردگریتـ لێ هێشتا یا مای و پێتڤیە هەمیا کومبکەن، وی دەمی ئامارا درست دێ دیار بیت کا چەندە.

زەلالکر ژی، ئەو کەسین موچەیێ وان هاتیە ڕاگرتن، پێتڤیە سەرەدانا رێڤەبەریا خۆ بکەن بۆ هندێ بهێتە زانین سەدەم چیە موچەیێ وان هاتیە ڕاگرتن، ژبەرکو ئەوێن زێدەتر ژ موچەیەکێ هەبیت، ل تۆمارا بایۆمەتری یا هەرێمێ بۆ سەلماندنا وێ کو ئێک موچە یێ هەی.

سەباح موخلیس بەحس ژ وێ یەکێ ژی کر، "ئەوێن ب نەیاسایی موچە وەرگرتبیت کو زێدەتر بیت ژ موچەیەکێ راستەوخۆ دێ ئێک هێتە برین".

ئەڤە ژی ددەمەکیدایە، ٦ێ چلەیا ٢٠٢١ێ وەزارەتا شەهیدێن حکومەتا هەرێمێ ڕاگەهاندبوو، موچەیێ ١٣ هزار و ٢٨٢ کەسان بریە، کو ب نەیاسایی موچە وەرگرتیە.

ل دەما دەربازبووی ژی، وەزارەتا دارایی یا هەرێمێ گوتبوو، موچە و خانەنشینا ١٠ هزار و ٦٠٩ موچەخۆرا هاتیە راگرتن، کو ژ سیستەمێ بایۆمەتری دووجارا یان زێدەتر ناڤێ وان هاتیە تۆمارکرن.

هـ.ر