سەرنووچە:

ل دهۆکێ سێ تومەتبار هاتنە دەستەسەرکرن

فۆتۆ: 
2021-05-03

445 جار خوێندراوەتەوە

پەیڤدارێ پۆلیسێن دهۆکێ ئاشکراکر، د دەما چەند رۆژێن دەربازبووی دا ل ناحیا سەرسنکێ ب تومەتا دزیکرنێ تومەتبارەک و ل شێلادزێ ژی بسەدەما ساختەکاریا دۆلاری دوو تومەتبار هاتنە دەستەسەرکرن.

هێمن سلێمان ڕاگەهاند، بەریا چەند رۆژێن دەربازبووی ژ ئالیێ نڤیسینگەها نەهێلانا گۆنەهباریانڤە ل ناحیا سەرسنکێ تومەتبارەک ب تومەتا دزینا کوژمەکێ پارەی ژ مارکێتەکێ هاتە دەستەسەرکرن.

هەڤدەم ئاشکرا ژی کر، ژ ئالیێ نڤیسینگەها نەهێلانا گونەهباریێن شێلادزێ ڤە ژی دوو تومەتبار ب تۆمەتا مەزاختنا دۆلارێ سەختە ل بازاری هاتنە دەستەسەرکرن.

ئاماژە ب وێیەکێ ژی کریە، تومەتبارێ ل سەرسنکێ پارە ژ مارکێتی دزی لسەر بەندێ ٤٤٣ێ ژ یاسایا سزای. و هەردوو تومەتبارێن دی یێن دۆلارێ ساختە دبازاری دا مەزاختی لسەر بەندێ ٢٨١ێ ژ یاسایا سزای دێ ڤەکۆلین دگەلدا هێتەکرن.

ئەڤە د دەمەکێ دایە، ل درێژیا ئەڤ سالە گەلەک جاران دۆلارێ ساختە د بازارێن جودا جودایێن هەریما کوردستانێ دا هاتیە دەستبەسەرکرن و ئەو کەسین د دەستێ وان دا ژی هاتیە گرتن رووبروویێ دادگەهێ هاتنەکرن و گەهشتنە سزایێ خۆ.

و.ح