سەرنووچە:

حەلبوسی و بارزانی: بۆ بەرهنگاربوونا ئالنگاریێن سیاسی دێ مە هەماهەنگی هەبیت

فۆتۆ: 
2021-05-03

229 جار خوێندراوەتەوە

سەرۆکێ پەرلەمانێ عێراقێ و سەرۆکێ پارتی جڤیان و ل گورەی ڕاگەهاندنا سەرۆکێ پەرلەمانێ عێراقێ، "هەردوو ئالی تەکەست کریە لسەر هاریکاری بۆ بەرهنگاربوونا ئالنگاریا ئەولەهیێ و ئابوری و سیاسی."

محەمەد حەلبوسی سەرۆکێ پەرلەمانێ عێراقێ و مەسعود بارزانی سەرۆکێ پارتی جڤیان، ل گورەی ڕاگەهاندنا سەرۆکێ پەرلەمانێ عێراقێ، "ل دیدارێ دا شروڤەیا رەوش و داوی پێشهاتێن سیاسی ل بەغدا و هەرێما کوردستانێ کرن."

ئەو یەک ژی بەرچاڤکر، "بەحس ژ هەلبژارتنێن پێشوەخت و گرنگیا رەخساندنا کەشەکێ لبار بۆ تەمامکرنا سەرجەم پێتڤیێن ئەنجامدانا هەلبژارتنان کریە، کو هەردوو ئالیان تەکەست کر لسەر هاریکاریێ بۆ بەرهنگاربوونا ئالنگاریێن ئەولەهیێ و ئابوری و سیاسی."

ئاماژە ب وێ یەکێ ژی کریە، "گوتوبێژ ژی دەربارەی چەند پرسێن جهێ گرنگیدانا هەڤبەش کر."

ل گورەی ڕاگەهاندنا بارەگایێ بارزانی ژی، محەمەد حەلبوسی ل جڤینێ دا گوتیە، "سەقامگیریا هەولێر و هەرێما کوردستانێ بۆ سەقامگیریا ناڤچەیێ و عێراقێ گرنگە."

هـ.ر