سەرنووچە:

پارێزگارێ دهۆکێ و لژنا نەفت و گازێ جڤیان و چەند بریارێن نوی دەرخستن

فۆتۆ: 
2021-05-03

783 جار خوێندراوەتەوە

ئیدارا پارێزگەها دهۆکێ ڕاگەهاند، پشتی جڤینا ئەڤرۆ یا پارێزگاری دگەل لژنا نەفت و گازێ ل وێ پارێزگەهێ بۆ هەلسەنگاندن و جێبەجێکرنا بریارێن جڤاتا وەزیران چەند بریارەک دەرخستن، هەڤدەم گوت ژی یەک ژ وان بریارا ئەوە، کار لسەر باشترکرنا کوالیتیا بەەنزینێ بهیتە کرن.

ئیدارا پارێزگەها دهۆکێ د فەیسبووکا خۆیا تایبەت تایبەتدا بەلاڤکریە، ئەڤرۆ عەلی تەتە پارێزگارێ دهۆکێ دگەل لژنا نەفت و گاز و ئالیێن دی یێن پەیوەندیدار لدوور جێبەجێکرنا بریارێن جڤاتا وەزیران جڤیا و پشترە چەند بریارێن نوی دەرخستن و ژ وان بریاران ژی ئەوە، کار لسەر باشترکرنا کوالیتیا بەنزینێ بهیتە کرن و نابیت چ کەرەستەیێن دی یێن کیمیای تێکەلی ماددەیێن بەنزینێ بهێنەکرن.

د بریارەکا دی دا هاتیە، چێنابیت چ کۆگەهـ بێی تەمامکرن و نووکرنا دەستیریا یاسای کاربکەتن دڤێت ل دیف وێ دەستیریێ بیت یا پێ هاتیە دان، هاتیەژی، دەمێ وەرگرتنا دەستیریێ بۆ سێ مەهان هاتە درێژکرن.

ئاماژە ب وێیەکێ ژی دکەت، کو خۆدانێن کۆگەهێن سووتەمەنیێ داخۆازیەکێ ئاراستەیی یەکەیێن کارگێری ل سنۆرێ خۆ بکەن، بۆ دەرئینانا دەستیریێ و پێدڤیە رازیبوونا ئالیێن پەیوەندیدار وەربگرن.

هەڤدەم، پشتی ئەنجامدانا ڤان کاران دەستیریا کۆگەهێ بۆ دەمێ سالەکێ دێ هێتەدان و پێدڤیە سالانە بهێتە نوویکرن.

و.ح