سەرنووچە:

پەرلەمانێ کوردستانێ دێ لسەر چەند پرسەکا جڤیت

فۆتۆ: 
2021-05-03

87 جار خوێندراوەتەوە

پەرلەمانێ کوردستانێ چارشەمبیێ دێ جڤیتن و چەند پێشنیار ژی دێ هێتە گۆتۆبێژکرن، دناڤ وان ژیدا هێزا رۆژێ وەک ژێدەرەک بۆ بەرهەمئینانا کارەبێ ل هەرێما کوردستانێ.

رێواز فایق سەرۆکا پەرلەمانێ کوردستانێ د ڕاگەهاندنەکێدا بەلاڤکریە، رۆژا چارشەمبێ دێ پەرلەمان جڤیت و د تەوەرێ ئێکێ دا خواندنا ئێکێ بۆ پێشنیارا یاساییا پارستنا بەلگەنامە و دەستنڤیسان دێ هێتە کرن.

رێواز فایق دبێژیت ژی، دێ خواندنا ئێکێ بۆ پێشنیارا یاساییا پارستنا بەلگەنامەیا هەرێما کوردستانێ-عێراقێ و پێشنیارا یاساییا پاراستنا بەلگەناما ئەرشیفێ نەتەوەیی ل هەرێما کوردستانێ دێ هێتە کرن.

ئاماژە ب وێیەکێ کریە، د تەوەرێ دووێدا پەرلەمانتار لیزا فەلەکەدین کاکەیی گرێدای هێزا رۆژێ وەک ژیدەر بۆ بەرهەمئینانا کارەبێ ل هەرێما کوردستانێ دێ ئێخیتە بەرچاڤ.