سەرنووچە:

چەند بڕیارەکێن نوی ژ وەزارەتا پەروەردا هەرێمێ

فۆتۆ: 
2021-05-03

1011 جار خوێندراوەتەوە

د نڤیسارەکێ دا وەزارەتا پەروەردا هەرێمێ چەند بڕیارێن نوی لسەر پرۆسا خاندنێ بەلاڤکرن و تێدا هاتیە، کو ٢٢ی مەها ٦ دێ داویا سالا خاندنێ بیت و دێ ئەزمون هێنە ئەنجامدان.

ئەڤرۆ دووشەمبی، سەیوان عەلی رەزا بریکارێ وەزارەتا پەروەردەیا حکومەتا هەرێمێ ڕاگەهاندنەک بەلاڤکر و تێدا چاوانیا هژمارتنا نمرەیا خویندکاران دیارکریە.

ڕاگەهاند ژی، دەربارەی ب بازنەیا ئێکێ قوناغا بنەرەتی پولا ١ تا ٣ کو دێ بەردەوام بن ل ناڤ پولێ بن هەر چار نمرەیێن هەلسەنگاندنا وان هەبن ب بەرچاڤوەرگرتنا وێ کو چارەم هەلسەنگاندن ل دەما تاقیکرنا داویا سالێ بدانیت کو ل ٢٢ێ ٦ یا ٢٠٢١ێ دێ هێتە ئەنجامدان.

ئەو یەک ژی بەرچاڤکر، پۆلێن ٤ تا ١١ کو ل ناڤ پولێ دێ بەردەوام بن ل ناڤ پۆلێ پێتڤیە نمرەیێن هەلسەنگاندنا ئێکێ "١٠ نمرا" ئەنجام بدەن و تاقیکرنا داویا سالێ ژ (٦٠ نمرا" ل ٢٢ێ ٦ یا ٢٠٢١ دهێتە ئەنجامدان.

ئاماژە ب وێ یەکێ ژی کر، ب بەرچاڤوەرگرتنا پۆلا نەهێ بنەرەتی کو بتنێ نمرەیا تاقیکرنێن نیڤا وەرزی واتە "١٠ نمرەیێن هەلسەنگاندنا ئێکێ و ٢٠ نمرێن تاقیکرنا نڤیسینێ و ١٠ نمرەیێن هەلسەنگاندنا دوویێ" دێبیتە نمرەیا کۆشش و تاقیکرنا نشتیمانی ژ ٦٠ نمرەیا دگەل پۆلێن ناکوک دێ هێتە ئەنجامدان ل گورەی خشتەیەکێ تایبەت.

هەڤدەم، دەربارەی ب خویندکارێن دەرەکی یێن پۆلا نەهێ بنەرەتی بەحس ژ وێ یەکێ ژی کر، تاقیکرنا نشتیمانی لسەر ١٠٠ نمرەیا دێ ئەنجامدەن ب هەمان پرۆگرامێ دیارکری.

هەروەسا دبێژیت، ل دەما دەستپێکرنا دەوامێ ل ناڤەندێن خاندنێ ئەو خویندکارێن بەلێننامێ تژی دکەن کو بەشداری خاندنا ناڤ پۆلێ ناکەن دێ نمرەیا بدەستڤەهاتی یا تاقیکرنان نڤیسینەکێ "٢٠ نمرا" دابەشی دوو یێ کەن ل جهێ وان هەلسەنگاندنان دێ هێتە دانان کو نمرە نینە.

هـ.ر