سەرنووچە:

سەرۆکێ پەرلەمانێ عێراقێ گەهشتە هەولێرێ

فۆتۆ: 
2021-05-03

239 جار خوێندراوەتەوە

سەرۆکێ پەرلەمانێ عێراقێ گەهشتە هەولێری و ژئالیێ هێمن هەورامی جێگرێ سەرۆکا پەرلەمانێ کوردستانێ پێشوازی لێ هاتەکرن و بڕیارە دگەل بەرپرسێن بلند یێن هەرێمێ بجڤیت.

محەمەد حەلبوسی سەرۆکێ پەرلەمانێ عێراقێ ب سەرەدانەکێ گەهشتە هەولێرا پایتەخت و دگەل سەرۆکێ هەرێمێ و بەرپرسێن دی دێ جڤیت.

د سەرەدانا خۆدا، سەرۆکێ پەرلەمانێ عێراقێ دێ دگەل نێچیرڤان بارزانی سەرۆکێ هەرێمێ دا جڤیت و دێ گۆتوبێژان لسەر چەند پرسان کەن.

لدیڤ زانیاریێن ئێن ئاڕ تی، مەرەما سەرەکی یا سەرەدانا محەمەد حەلبوسی، پەیوەندی ب هەلبژارتنێن عێراقێ ڤە هەیە.

بڕیارە ل ١٠ی مەها تشرینا ئێکێ یا ئەڤسالەدا هەلبژارتنێن پەرلەمانێ عێراقێ بڕێڤەبچن و ل ٣١ی ئادارا ئەڤسالەدا پەرلەمانی بڕیاردا، کو ئەگەر هەلبژارتن بڕێڤەبچن ئەو بخۆ ب هەلوەشینن.