سەرنووچە:

هەپەگە : مە ١٥٨ سەربازێن تورکیا ل هەرێما کوردستانێ کوشتنە

فۆتۆ: 
2021-05-03

422 جار خوێندراوەتەوە

هێزێن پاراستنا هەپەگێ و ئارتێشا تورکیا، ئامارێن دەسپێکا شەڕ و پەڤچوونان ل هەرێما کوردستانێ بەلاڤکرن.

ناڤەندا چاپەمەنییا هێزێن پاراستنا گه‌ل هەپەگێ کو بالێ سه‌ربازیێ په‌كه‌كێ یە ڕاگەهاند، ژ دەستپێکا شەڕی ل دژى تورکیا ل باشورێ کوردستانێ گەریلایێن پەکەکێ ١١٠ چالاکی ئەنجامداینە و رێك نه‌دایه‌ وان پێشڤەچوونێ بكه‌ن و گۆتییه‌، د وان چالاکییان دا ١٥٨ سەربازێن تورک هاتینه‌ كوشتن و ب ده‌هان ژی بریندار بووینه.

ژئالیێ خۆ ڤە، وه‌زیرێ بەرەڤانیا تورکیا خولوسی ئاکار ڕاگەهاند، بسەدەما ئۆپەراسیۆنێن ئارتێشا وه‌لاتێ وی ل دژى پەکەکێ ٤٤ گەریلا هاتینه‌ كوشت.

بەریا دوو رۆژان، وەزیرێ بەرەڤانیا تورکیا سەرەدانا بارگەهێ سەربازیێ بیلیچیان ل هەرێما کوردستانێ کر و ڕاگەهاند، "ئەم رژدین لسەر بداوی ئینانا پەکەکێ". هەڤدەم، ئاماژە ب وێیەکێ ژیکر، مە چ ئاریشە دگەل کوردان نینن، ئارمانجا مەیا سەرەکی بداوی ئینانا پەکەکێ و هەرەشەیێن وێیە بۆ سەر بەرژەوەندیا تورکیا.

ئەڤەژی د دەمەکی دایە، ل ٢٣ی نیسانێ ئارتێشا تورکیا ب بهانەیا هەبوونا بارگەهـ و بنگەهێ پارتا کرێکارێن کوردستانێ (پەکەکە) ل چەند دەڤەرێن جودایێن هەرێما کوردستانێ ئۆپەڕاسیۆنێن چنگێ بریسی و چنگێ هەورە ترشقە دەستپێکرینە.