سەرنووچە:

کونسولخانا ئەلمانیا: دێ لسەر پشتەڤانیکرنا پێشمەرگەی بەردەوام بین

فۆتۆ: 
2021-05-02

65 جار خوێندراوەتەوە

کونسولخانا ئەلمانیا ل هەرێما کوردستانێ لسەر هێرشا داعش ڕاگەهاند، دێ بەردەوام بین لسەر پشتەڤانیکرنا هێزێن پێشمەرگەی.

کونسولخانا ئەلمانیا ل هەرێما کوردستانێ د تویتەکیدا هەڤخەمیا خۆ بۆ شەهیدبوونا سێ پێشمەرگەیان بسەدەما هێرشا داعشێ دەربڕی و ئاماژە ب وێیەکێ کر، ئەلمانیا دێ بەردەوام بیت لسەر پشتەڤانیکرنا پێشمەرگەی وەک بەشەک ژ هەڤپەیمانێن دژی داعشێ دێ مینیت هەیا تێکشکاندنا تەمامیا داعشێ.

بەریا نها ژی، هەر ئێک ژ کونسولخانەیا ئەمریکا و فەرەنسا ل هەرێما کوردستانێ و بالیۆزخانا بەریتانیا ل عێراقێ هەڤخەمیا خۆ بۆ کەسوکارێن شەهیدێن هێرشا داعشێ دەربڕی و پشتەڤانیا خۆ بۆ پێشمەرگەی و هەرێما کوردستانێ پشتراست کر.

ئەڤە د دەمەکیدایە، درەنگیا شەڤا دەربازبووی ل دەمژمێر ١٢:٣٠ خولەک، چەکدارێن داعش ل سنورێ پردێ و ل نێزیک گوندێ قایەباشی، هێرش کرە سەر دوو سەنگەرێن سەربازی یێن پێشمەرگەی و بەرهنگاربوون دناڤبەرا هیزێن پێشمەرگەی و چەکدارێن داعشێ دا درست بوو، کو تێدا شەهید و بریندار ل رێزێن پێشمەرگەی دا کەفتن.

پشتی روویدانێ، نێچیرڤان بارزانی سەرۆکێ هەرێما کوردستانێ ڕاگەهاند، داخازێ ژ پەرلەمانی و حکومەتا عێراقێ و هەڤپەیمانێن ناڤدەولەتی دکەین بلەز کاربکەن بۆ دروستکرنا هێزەکا هەڤبەش دناڤبەرا پێشمەرگەی و ئارتێشا عێراقێ دا ل وان دەڤەرێن ئاریشە لسەر بهێتە پێکئینان.

مەسرور بارزانی سەرۆکێ حکومەتا هەرێمێ ڕاگەهاندبوو، داعش مژیلی خۆ رێکخستنێ یە و هێشتا هەڕەشە و مەترسیەکا راستەقینەیە د چەندین دەڤەرێن عێراقێ دا،  ب تایبەتی ل دەڤەرێن کوردستانێ یێن ژدەرڤەی ئیدارا هەرێمێ.

م.م