سەرنووچە:

لیژنا پێشمەرگەیێ پەرلەمانێ کوردستانێ: پێشمەرگەی ئاریشا کێمیا هێز و پێداویستیا یا هەی

فۆتۆ: 
2021-05-02

244 جار خوێندراوەتەوە

جێگرێ سەرۆکێ لیژنا پێشمەرگە ل پەرلەمانێ کوردستانێ ڕاگەهاند، هێزێن پێشمەرگە ئاریشا کێمیا هێز و پێداویستیێن چەکی یا هەی، لێ سەنگەرێن پێشمەرگەی بهێزن.

عوسمان سێدەری جێگرێ سەرۆکێ لیژنا پێشمەرگە ل ناڤینا رۆژا ئێن ئاڕ تیدا بەحس ژ وێ یەکێ کر، ل پشتی ١٦ی ئۆکتۆبەرێ بۆشاییەکا ئەولەهیێ یا زۆر ل ناڤچەیێن ڤەقەتیای دروستبوویە و روبەرێ بەرەڤانیا سەنگەرێن پێشمەرگەی بەرفرەهکریە.

ئاماژە ب وێ یەکێ ژی کریەن هێزێن عێراقی پێگیری لهەڤهاتن و هەڤبەندی یا هەڤبەش نابن دگەل هێزێن پێشمەرگەی، هەروەسا دبێژیت، هەڤپەیمانان پالپشتیەکا زۆر یا پێشمەرگەیان کریە، لێ بەشەک ژ چەکێن پێشمەرگە ل شەرێن دژی داعشدا ژناڤچووینە.

سپێدەهیا ئەڤرۆ، کونسلخانەیا ئەمریکا ل هەولێرێ بەلاڤکر، کو وەلاتێ وان دێ پێگیر مینیت ب راوەستان هەڤملێ پێشمەرگە و هێزێن ئەولەهی یێن عێراقی یێن دی بۆ پشتراستبوون ژ وێ یا ب تەمامی شکەستن ب داعش ئینایە.

ئەڤە ژی ددەمەکیدایە، درەنگیا شەڤا شەمبی و دەمژمێر ١٢ و ٣٠ خۆلەک، چەکدارێن داعش ل سنورێ پردێ و ل نێزیک گوندێ قایەباشی، هێرشکرە سەر دوو سەنگەرێن سەربازی یێن پێشمەرگە و بەرهنگاربوون دناڤبەرا هێزێن پێشمەرگە و چەکدارێن داعشدا دروست بوو، کو تێدا شەهید و بریندار ل رێزێن پێشمەرگەیدا کەفتن.

ل پشتی بویەرێ، نێچیرڤان بارزانی سەرۆکێ هەرێما کوردستانێ ڕاگەهاند، داخازێ ژ پەرلەمان و حکومەتا عێراقێ و هەڤپەیمانێن ناڤدەولەتی دکەن بلەز کاربکەن بۆ دروستکرنا عێزا هەڤبەش دناڤبەرا پێشمەرگە و ئارتێشا عێراقێ دا ل ناڤچەیێن ناکوکی لسەر.

مەسرور بارزانی سەرۆکێ حکومەتا هەرێمێ ڕاگەهاند، داعش مژیلی خۆرێکخستنێیە و هێشتا مەترسیا راستەقینە ل چەندین ناڤچەیێن عێراقێ، گوتیە ژی، ب تایبەتی ل ناڤچەیێن کوردستانیێن دەرڤەی ئیدارا هەرێمێ، کو مفا ژ وێ بۆشاییا ئەولەهیێ وەردگریت کو ل وان سنوران یا هەی.

هـ.ر