سەرنووچە:

وەزیرێ بەڕەڤانیا تورکیا: رژدین لسەر ب داوی ئینانا پەکەکێ

فۆتۆ: 
2021-05-02

442 جار خوێندراوەتەوە

وەزیرێ بەرەڤانیا تورکیا ڕاگەهاند، "ل ٢٣ی مەها دەربازبووی و هەیا نها ٤٤ چەکدارێن پەکەکێ کوشتنە و رژدن لسەر بداوی ئینانا پەکەکێ"، دبێژیت ژی، "مە چ ئاریشە دگەل کوردان نینن".

خلوسی ئاکار وەزیرێ بەرەڤانیا تورکیا و یەسار جولەر سوپاسالارێ گشتی و ئومێد دوندار فەرماندارێ  گشتیێ هێزێن هشکاتیا وی وەلاتی  سەرەدانا بارگەهێ سەربازیێ بیلیچیان ل هەرێما کوردستانێ کر.

هەڤدەم، لەهەمبەر سەربازێن وەلاتێ خۆ وەزیرێ بەرەڤانیا تورکیا ڕاگەهاند، "هەیا نها مە ٤٤ چەکدارێن پەکەکێ کوشتنە و هەیا چەکدارێن پەکەکێ دڤێ دەڤەرێ دا هەبن دێ لسەر ئۆپەڕاسیۆنێ بەردەوامبن".

خلوسی ئاکار بەحسا وێیەکێ ژی کر، "ئەم رژدین لسەر بداوی ئینانا پەکەکێ. هەڤدەم، ئاماژە ب وێیەکێ ژی کر، مە چ ئاریشە دگەل کوردان نینن، "ئارمانجا مەیا سەرەکی بداوی ئینانا پەکەکێ و هەرەشەیێن وێ بۆ سەر بەرژەوەندیا تورکیا یە".

ئەڤەژی د دەمەکی دایە، ل ٢٣ی نیسانێ ئارتێشا تورکیا ب بهانەیا هەبوونا بارگەهـ و بنگەهێ پارتا کرێکارێن کوردستانێ (پەکەکە) ل چەند دەڤەرێن جودایێن هەرێما کوردستانێ دەستپێکریە ب ئۆپەڕاسیۆنا چنگی بروسکە و چنگێ هەورە ترشقە، هەڤدەم، پەکەکێ و تورکیا هەژمارێن جیاواز دەربارەی کوشتنا سەربازیا ئێک و دوو بەلاڤکرن.

و.ح

 

No description available.

Image