سەرنووچە:

ل مەخمور داعش هێرش کرە سەر سوپایێ عێراقێ

زیان نەهاتینە ئەشکەرا کرن
فۆتۆ: 
2021-05-02

247 جار خوێندراوەتەوە

دژە تیرۆرا کوردستانێ ڕاگەهاند، ل گوندێ مەحمودیێ یێ سەر ب ناحیا قەراج ل قەزایا مەخمور داعش هێرش کریە سىەر ئارتێشا عێراقێ و شەڕ دناڤبەرێدا دروستبوویە.

دژە تیرۆرا کوردستانێ ڕاگەهاند، ل ئەنجامێ هێرشا داعشێ بۆ سەر ئارتیشا عێراقێ ل مەخمور شەڕ روویدایە، لێ چ زانیاری لسەر زیانێن ماددی و گیانی یێن هەردوو ئالیا نەهاتینە ئەشکەرا کرن.

دەستەیا حەشدا شەعبی ژ ئالیێ خۆڤە ئەشکرا کر، ل پارێزگەها سەلاحەدین بنگەهێن داعش بومبەباران کرینە.

هەڤدەم، ژێدەرەکێ ئەمنی بۆ میدیایێن عێراقی ڕاگەهاندیە، سپێدەهیا ئەڤرۆ ل نێزیک ناحیا رەشاد ل باشورێ کەرکوکێ چەکدارێن داعش هێرش کریە سەر پۆلیسێن فیدرالی و تا نها چ زیانێن هێرشێ نەهاتینە ڕاگەهاندن.

بەریا نها، فەرماندێ فەوجا ئێکێ یا هێزێن پێشمەرگەی بۆ ئێن ئاڕ تی ڕاگەهاند، داعش مفای ژ ڤالاهیا ئەمنیا دناڤبەرا هێزن پێشمەرگەی و ئارتێشا عێراقێ دیتیە کو ٢٠ کم ڤالاهیا ئەمنی دناڤبەرێدایە.

ئەڤە د دەمەکیدایە، درەنگیا شەڤا دەربازبووی دەمژمێر ١٢ و ٣٠ خولەک، چەکدارێن داعش ل سنورێ پردێ و ل نێزیک گوندێ قایەباشی، هێرش کرە سەر دوو سەنگەرێن سەربازی یێن پێشمەرگەی و بەرهنگاربوون دناڤبەرا هیزێن پێشمەرگەی و چەکدارێن داعشێ دا درست بوو، کو تێدا شەهید و بریندار ل رێزێن پێشمەرگەی دا هەبوون.

 هـ.إ