سەرنووچە:

موختارێ کێستە: گولەیێن تورکیا و پەکەکێ لسەر مالێن وەلاتیان دبوورن

فۆتۆ: 
2021-05-01

419 جار خوێندراوەتەوە

نێزیکی دوو دەمژمێرایە شەڕ دناڤبەرا سوپایێ تورکیا و هێزێن پەکەکێ ل سنورێ گوندێ کێستە بەردوامە، گولە ب سەر مالێن وەلاتیان دبوورن.

نوچەگەهانێ ئێن ئاڕ تی ل ئامێدیێ دادیارکرن، نێزیک دەمژمێر هەشت و تانوکە شەڕ دناڤبەرا سوپایێ تورکیا و هێزێن پەکەکێ ل سنورێ گوندێ کێستە پەیدابویە، سوپایێ تورکیا ب بالەفڕان کوپتەر و توپخانێن خۆ دەردورا گوندی تۆپباران و گولەباران دکەن.

محمود کێستەی موختارێ گوندێ کێستە بو ئێن ئاڕ تی دیارکر، نها گوند کەفتیە دناڤ گولەیێن هەردوو ئالیاندا وگولەیێن وان لسەر مالێن وەلاتیان را دبوورن .

ئەوژی دیارکر دنهادا ب بەردەومی ژئالیێ بالەفڕێن کوپتەرێن تورکیاڤە دەردورا گوندی وقونتارا زنارا کێستە دهێتە گولەبارانکرن.

 ئەڤە بۆ دەما حەفتیەکێیە سوپایێ تورکیا ئوپراسیونا خو یادووێ ل سنورێ ئامێدیێ دەسپێکریە، لەشکەرێ خوژی ل سەرێ زنارا کێستە یاگرێدای ناحیا کانی ماسێ بنەجێهکریە.

 

نیهاد ئورەماری / ئامێدیێ