سەرنووچە:

لژنا ئاسایش و بەرەڤانیا پەرلەمانێ عێراقی: هەماهەنگی دناڤبەرا ئاڕتێشا عێراقێ و پێشمەرگەیدا نینە

بزاڤێن هەماهەنگیێ د بێ ئەنجامبوون
فۆتۆ: 
2021-05-01

336 جار خوێندراوەتەوە

ئەندامەکێ لژنەیا ئاسایش و بەرەڤانیێ ل پەرلەمانێ عێراقێ ڕاگەهاند، هێزێن پێشمەرگەی و ئارتێشا عێراقێ ل دەڤەرێن ئاریشە لسەر نەگەهشتینە هەماهەنگیێ و ڤالاهیا ئەمنی ژی دوان دەڤەراندا بەردەوامە.

کاتع رکابی ئەندامێ لژنەیا ئاسایش و بەرگریێ ل پەرلەمانێ عێراقێ بۆ ئێن ئاڕ تی ڕاگەهاند، ب دلگرانیڤە هەیا نها هێزێن پێشمەرگەی و ئارتێشا عێراقێ بۆ دانانا چەند خالێن پشکنینێ ل دڤەرێ نەگەهشتینە چ لهەڤهاتنا.

ئاماژە ب وێیەکێ ژیکر، دەربارەی هێرشێن داعش چەندین جاران هایداری داینە و داخازکریە هەماهەنگی دناڤبەرا هێزێن پۆلیسێن فیدرالی و پێشمەرگەی دا هەبیت، لێ بزاڤێن وان د بێ ئەنجامبوون.

وی ئەندامێ لژنەیا ئاسایش و بەرەڤانیێ ڕاگەهاندیە ژی، پێتڤیە تەڤایا هێزێن ئەمنیێن عێراقێ رێکارێن پێتڤی بۆ پاراستنا تەڤایا وەلاتیێن عێراقێ بگرنەبەر.

ئەڤە د دەمەکیدایە، درەنگیا شەڤا دەربازبووی دەمژمێر ١٢ و ٣٠ خولەک، چەکدارێن داعش ل سنورێ پردێ و ل نێزیک گوندێ قایەباشی، هێرش کرە سەر دوو سەنگەرێن سەربازی یێن پێشمەرگەی و بەرهنگاربوون دناڤبەرا هیزێن پێشمەرگەی و چەکدارێن داعشێ دا درست بوو، کو تێدا شەهید و بریندار ل رێزێن پێشمەرگەی دا هەبوون.

 پشتی روویدانێ، نێچیرڤان بارزانی سەرۆکێ هەرێمێ ڕاگەهاند، داخازێ ژ پەرلەمان و حکومەتا فیدرالی یا عێراق و هەڤپەیمانا ناڤدەولەتی یا دژی داعش دکەین، بلەز کاربکەن لسەر دروستکرنا هێزا هەڤبەش یا دناڤبەرا پێشمەرگە و ئارتێشا عێراقێ دا ل دەڤەرێن کێشە لسەر.

 مەسرور بارزانی سەرۆکێ حکومەتا هەرێمێ ڕاگەهاند، داعش مژیلی خۆ رێکخستنێ یە و هێشتا هەڕەشە و مەترسیەکا راستەقینەیە د چەندین دەڤەرێن عێراقێ دا،  ب تایبەتی ل دەڤەرێن کوردستانێ یێن دەرڤەی ئیدارا هەرێمێ، مفای ژ ڤالاهیا ئەمنی وەردگریت یا ل ڤان سنوران هەی.

هـ.إ