سەرنووچە:

​وەزیرێ ساخلەمیا هەرێمێ: دێ یەکەیێن نوژداری ل محوەرێ کەرکوکێ بهێزکەین

فۆتۆ: 
2021-05-01

293 جار خوێندراوەتەوە

وەزیرێ ساخلەمیا هەرێما کوردستانێ ڕاگەهاند، سەرەدانا بریندارێن هێرشا دوهی کریە، دبێژیت ژی، هەمی برینداران کارێ پێتڤی بۆ هاتیە کرن و ساخلەمیا ئێک ژ برینداران نەیا جێگیربوو، لێ کارینە ژیانا وی رزگاربکەن.

سامان بەرزنجی وەزیرێ ساخلەمیا هەرێما کوردستانێ بۆ ئێن ئاڕ تی بەحسا وێیەکێ ژیکر، دگەل بەرپرسێ میحوەرێ کەرکوکێ جڤین کریە یۆ زێدەکرنا خزمەتگوزاریێن دەستپێکی و ئەمبۆلانسان و بهێزکرنا وان یەکەیێن پزیشکیێن میحوەری.

 پشتی روویدانێ، نێچیرڤان بارزانی سەرۆکێ هەرێمێ ڕاگەهاند، داخازێ ژ پەرلەمان و حکومەتا فیدرالی یا عێراق و هەڤپەیمانا ناڤدەولەتی یا دژی داعش دکەین، بلەز کاربکەن لسەر دروستکرنا هێزا هەڤبەش دناڤبەرا پێشمەرگە و ئارتێشا عێراقێ دا ل دەڤەرێن کێشە لسەر.

 مەسرور بارزانی سەرۆکێ حکومەتا هەرێمێ ڕاگەهاند، داعش مژیلی خۆ رێکخستنێ یە و هێشتا هەڕەشە و مەترسیەکا راستەقینەیە د چەندین دەڤەرێن عێراقێ دا،  ب تایبەتی ل دەڤەرێن کوردستانێ یێن دەرڤەی ئیدارا هەرێمێ، مفای ژ ڤالاهیا ئەمنی وەردگریت یا ل ڤان سنوران هەی.

ئەڤە د دەمەکیدایە، درەنگی شەڤا دەربازبووی  دەمژمێر ١٢ و ٣٠ خولەک، چەکدارێن داعش ل سنورێ پردێ و ل نێزیک گوندێ قایەباشی، هێرش کرە سەر دوو سەنگەرێن سەربازی یێن پێشمەرگەی و بەرهنگاربوون دناڤبەرا هیزێن پێشمەرگەی و چەکدارێن داعشێ دا درست بوو، کو تێدا شەهید و بریندار ل رێزێن پێشمەرگەی دا کەفتن.

هـ.إ