سەرنووچە:

نەوەی نوێ چ پەرەمانتار کاندید نەکرینە و پشت ب کاندیدێن نوی گرێددەت

نەوەی نوێ چ لهەڤهاتن نەکرینە
فۆتۆ: 
2021-05-01

343 جار خوێندراوەتەوە

جودا ژ تەڤایا هێزێن سیاسی یێن پشکداری هەلبژارتنێن بەروەختێن عێراقێ، نەوەی نوێ ب لیستەکا سەربخۆ و ب بێی لهەڤهاتن و هەماهەنگی دگەل چ حزبێن سیاسی و بێی بەربژێرکرنا پەرلەمانتارێن خۆ دێ پشکداربیت.

 ژێدەرەکێ ئاگەهدار ژ جڤینا نەوەی نوێ بۆ ئێن ئاڕ تی ڕاگەهاند، ل رۆژا چار شەمبی ب پتریا دەنگێن ئەندامێن جڤاتا بلندا نەوەی نوێ بڕیاردا کو خۆدانێن لیستا سەربخۆ بن و لهەڤهاتنێ دگەل چ حزبێن دەستهەلاتێدا نەکەن.

لگورەی زانیاریان ئێکەتیێ و گۆڕان لهەڤهاتن کریە و ئەڤرۆ شەمبیێ جڤاتا گشتیا گۆڕانێ جڤیان بۆ یەکلاکرنا لهەڤهاتنا وێ حزبێ و ئێکەتیێ بۆ هەلبژارتنێن داهاتی یێن پەرلەمانێ عێراقێ کو بڕیارە ١٠ مەها تشرینت ئێکێ بهێنە ئەنجامدان و لهەڤهاتن پەسەندکریە.

نەوەی نوێ ڤەلڤینەکا سیاسیە و ل داوی هەلبژارتنێن پەرلەمانێ کوردستانێ ١٢٧ هزار و ١١٥ دەنگ بدستڤە ئینان.

ژێدەرێ نەوەی نوێ دەربارەی بەربژێران ژی گوت، "ڤەلفینا نەوەی نوێ ل هەر ١٥ بازنێن هەرێما کوردستانێ مە ١٥ بەربژێر هەنە".

لگورەی زانیاریان، دیارترین بەربژێرێن نەوەی نوێ بۆ هەلبژارتنێن پەرلەمانێ عێراقێ ئەڤەنە:

رێبوار ئەوڕەحمان رۆژنامەڤان و پێشکێشکار ل ئین ئاڕ تی بەربژێرە ل بازنەیا باکورێ سلێمانیێ، سروە عەبدولواحید (خوشکا شاسوار عەبدولواحید سەرۆکێ ڤەلڤینێ)، بەربژێرە ل بازنەیا رانیا و پشدەر،  ئومێد محەمەد پەیامنێرێ ئێن ئاڕ تی ل بەغداد بەربژێرە ل بازنەیا ١ یا کەرکوک، ئاریان تاوگۆزی بەربژێرە ل بازنەیا هەڵەبجە.

بڕیارە ل ١٠ی تشرینا ئێکێ یا ئەڤ سالە هەلبژارتنێن پەرلەمانێ عێراقێ بڕێڤە بچن و ل ٣١ ئادارێ ژیدا پەرلەمان بڕیارا وێیەکێ دا خۆ ب هەلوەشینیت ئەگەر ل مەها تشرینا یەکێدا هەلبژارتن بڕێڤە بچن.

هـ.إ