سەرنووچە:

چاڤێ پارتی ل کورسیێن دهۆکێ و کۆتایا سلێمانیێ یە

فۆتۆ: 
2021-05-01

714 جار خوێندراوەتەوە

بەرپرسێ دەزگەهێ هەلبژارتنێن پارتی، د کونگرەکێ رۆژنامەڤانیدا ناڤێ بەربژێرێن حزبا خۆ ڕاگەهاند لدیڤ لیستا ڕاگەهاندی بیت چاڤێ پارتی ل کورسیێن دهۆکێ و کۆتایا سلێمانیێ یە.

خسرو گۆران بەرپرسێ دەزگەهی هەلبژارتنێن پارتی د کونگرەکێ رۆژنامەڤانیدا گوتی، ئەڤرۆ لیستەک ل کۆمسیۆنا هەلبژارتنان تۆمارکریە و پارتی بتنێ و ب ئێک لیست ل تەڤایا پارێزگەهان دێ پشکدار بیت.

لگورەی گوتنێن خسرو گۆران، پارتی دڤان هەلبژارتنان دا ٥٥ بەربژێر هەنە و جۆدا ژ پارێزگەهێن هەرێما کوردستانێ، لسەر ئاستێ هژمارەکا پارێزگەهێن دی یێن عیراقێ دێ بەربژێر هەبن، وەک بەغدا، نەینەوا، ئەنبار، واست و کەربەلا.

پارتی دیموکراتی کوردستان ل سلێمانیێ ٥ بەربژێر داناینە کو چار ژوان ژنن، بۆ وێیەکێ کۆتایا ژنان ژ ١٨ کورسیان پارێزگەها سلێمانیێ بەربکەڤیت.

گرانیا خۆ لسەر ئاستێ پارێزگەها دهۆکێ دانایە کو دێ ١١ بەربژێر هەبن بۆ هەر ١١ کورسیێن وێ پارێزگەهێ، سەرۆکی دەزگەهێ هەلبژارتنێن پارتی و سەرۆکا نها یا فراکسیۆنا پارتی ل بەغدا بەربژێرن ل وێ پارێزگەهێ.

١٥ کورسی ل پارێزگەها هەولێرێ ژی هەنە کو دابەشکرینە بسەر ٤ بازنەیان دا هەڤرکیێ دکەن لسەر چەند ئەندامێن بەرێ یێن پەرلەمانی و ئەندامێن جیاواز د عەشیرەتێن دەڤەرێ دا.

ئەڤرۆ ١ی گولانێ داوی دەما پێشکێشکرنا لیستا ناڤێ بەربژێرێن هەلبژارتنێن بەروەخت یێن جڤاتا نوینەرێن عیراقێ یە کو بڕیارە ل ١٠ی ١٠ بڕێڤەبچن.