سەرنووچە:

فەرماندەیێ میحوەرێ رۆژئاڤایێ کەرکوک یێ پێشمەرگە: مە هەڤبەندی دگەل عێراقێ دا نینە

هێزا مە زۆرە و مە پێتڤی هێزێ نینە
فۆتۆ: 
2021-05-01

342 جار خوێندراوەتەوە

فەرماندەیێ میحوەرێ رۆژئاڤایێ کەرکوک یێ پێشمەرگە ڕاگەهاند، هەمی هێزێن سەربازی پێتڤی و تەڤایا پێتڤیێن لۆجستیکی ل بەردەستدانە و پێتڤی ب هێزا زێدە نینە، هەروەسا دبێژیت، "چ هەڤبەندی دگەل حکومەتا عێراقێدا نینە".

ئەڤرۆ شەمبی، نوری حەمە عەلی فەرماندەیێ میحوەرێ رۆژئاڤایێ کەرکوک یێ پێشمەرگە د کۆنفرانسەکێ رۆژنامەڤانیدا بەحس ژ وێ یەکێ کر، ل هێرشا شەڤا دەربازبوویدا سێ پێشمەرگە شەهید بوون و دوو پێشمەرگێن دی ژی برینداربوون، هەروەسا دبیژیت، "هێزێن پێشمەرگە چەک و هێز و پێتڤی و ئیمکانیەت و سەنگەرێ باش یێ هەی، لێ ل دەمەکێ ل دووری یا ٥٠٠ مەترا هێرش دهێتەکرن ئەوێ پەیوەندی ب چەکیڤە نینە".فەرماندەیێ میحوەرێ رۆژئاڤایێ کەرکوک یێ پێشمەرگە ئاماژە ب وێ یەکێ کر، پێتڤیە حکومەتا عێراقێ پێگیری لهەڤهاتنان بیت و لهەڤهاتنا شەنگالێ جێبەجێبکەت، ئەگەر نە ئەو هێرش دێ دووبارە بنەڤە.

نوری حەمە عەلی بەحس ژ وێ یەکێ ژی کر، بۆشایا ئەولەهیێ یا دناڤبەرا حکومەتا عێراق و هەرێمێدا یا هەی، سەدەمە بۆ هندێ کو ئەڤ جۆرێ هێرشان پەیداببن، هەروەسا دبێژیت، "ل میحوەرێ وێ دا چ هەڤبەندیەک دگەل حکومەتا عێراقیدا نینە". هەروەسا دبێژیت، "دێ تۆلا خۆ ژ داعش ڤەکەین".

دەربارەی ئاگەهداربوونا بەری وەخت دەربارەی ڤان هێرشان، فەرماندەیێ میحوەرێ رۆژئاڤایێ کەرکوک یێ پێشمەرگە ئەو یەک ژی بەرچاڤکر، هەردەم زانیاری دەربارەی لڤین و چالاکیێن داعش ل وێ ناڤچەیێ هەبوون، لێ پێشبینیا ڤان جۆرە هێرشان نەکریە.

هـ.ر