سەرنووچە:

قوباد تالەبانی: پێتڤیە کار بۆ بنبڕکرنا ڤان کارەساتێن مەترسیدار بکەین

فۆتۆ: 
2021-05-01

284 جار خوێندراوەتەوە

قوباد تالەبانی جێگرێ سەرۆکێ حکومەتا هەرێمێ د ڕاگەهاندنەکێدا دەربارەی هێرشێن داعشێ ڕاگەهاند، پێتڤیە کاربکەین بۆ وێیەکێ ڤان کارەساتێن مەترسیدار کو ئاشتی و ئاسایشا ناڤدەولەتی کریە ئارمانج بهێنە بنبڕکرن.

ئەڤرۆ شەمبی، قوباد تالەبانی جێگرێ سەرۆکی حکومەتێ د ڕاگەهاندنەکێدا دەربارەی هێرشا شەڤا دەربازبووی یا گروپێن چەکداری یێن داعش بۆ سەر هێزێن پێشمەرگەی ل سنورێ پردێ ئاماژە ب وێیەکێ کر، "پێتڤیە ب هەمی شیانێن خۆ بەرسڤا هێرشێن ترسناک یێن تیرۆریستان بدەین و ڤالاهیا ئەولەهی د وێ دەڤەرێ دا نەهێلین".

جێگرێ سەرۆکێ حکومەتا هەرێمێ بەحسا وێیەکێ کر، "ئەڤ هێرشا تیرۆریستی دبێژیتە مە کو دڤێت زێدەتر چاڤێت مە د ڤەکریبن بۆ بەرهنگاربوونا تیرۆرێ ب هەمی ئاوایان و ب هەر ئەگەرەکێ بیت".

ئەڤە د دەمەکیدایە، درەنگی شەڤا دەربازبووی  دەمژمێر ١٢ و ٣٠ خولەک، چەکدارێن داعش ل سنورێ پردێ و ل نێزیک گوندێ قایەباشی، هێرش کرە سەر دوو سەنگەرێن سەربازی یێن پێشمەرگەی و بەرهنگاربوون دناڤبەرا هیزێن پێشمەرگەی و چەکدارێن داعشێ دا درست بوو، کو تێدا شەهید و بریندار ل رێزێن پێشمەرگە یدا کەفتن.

م.م