سەرنووچە:

سەرۆکێ حکومەتێ: داعش مژیلی خۆ رێکخستنێ یە

فۆتۆ: 
2021-05-01

271 جار خوێندراوەتەوە

مەسرور بارزانی سەرۆکێ حکومەتا هەرێمێ د ڕاگەهاندنەکێدا بەلاڤکر، داعش مژیلی خۆ رێکخستنێ یە و هێشتا هەڕەشە و مەترسیەکا راستەقینەیە د چەندین دەڤەرێن عێراقێ دا،  ب تایبەتی ل دەڤەرێن کوردستانێ یێن ژدەرڤەی ئیدارا هەرێمێ.

ئەڤرۆ شەمبی، مەسرور بارزانی سەرۆکی حکومەتا هەرێمێ د پەیامەکێدا دەربارەی هێرشا شەڤا دەربازبووی یا گروپێن چەکداری یێن داعش بۆ سەر هێزێن پێشمەرگەی ل سنورێ پردێ؛ راگەهاند، " داعش مژیلی خۆ رێکخستنێ یە و هێشتا هەڕەشە و مەترسیەکا راستەقینەیە د چەندین دەڤەرێن عێراقێ دا،  ب تایبەتی ل دەڤەرێن کوردستانێ یێن ژدەرڤەی ئیدارا هەرێمێ، کو مفای ژ وان ڤالاهیێن ئەولەهی وەردگرن کو د وان سنوراندا هەیە".

سەرۆکێ حکومەتا هەرێمێ ئاماژە ب وێیەکێ ژیکر، تەکەز ل گرنگیا جێبەجێکرنا هەماهەنگیا ئەولەهی دناڤبەرا ئارتێشا عێراقێ و هێزێن پێشمەرگەی دکەین، و هەروەسا بەردەوامبوونا ڕاهێنانان و هاریکاریا هێزێن پێشمەرگەی و ئارتێشا عێراقێ ژ ئالیێ هەڤپەیمانێن ناڤدەولەتی و ماناوان ل عێراقێ بۆ بەرهنگاربوونا تیرۆریستێن داعش، ب پێتڤی دزانین بۆ شکەستنا ئێکجاری یا داعشێ.

ئەڤە د دەمەکیدایە، درەنگی شەڤا دەربازبووی  دەمژمێر ١٢ و ٣٠ خولەک، چەکدارێن داعش ل سنورێ پردێ و ل نێزیک گوندێ قایەباشی، هێرش کرە سەر دوو سەنگەرێن سەربازی یێن پێشمەرگەی و بەرهنگاربوون دناڤبەرا هیزێن پێشمەرگەی و چەکدارێن داعشێ دا درست بوو، کو تێدا شەهید و بریندار ل رێزێن پێشمەرگە یدا کەفتن.

م.م