سەرنووچە:

ئاسایش: ل ڤێ دەڤەرێ دوو کەس هاتنە ڕەڤاندن

فۆتۆ: 
2021-04-30

622 جار خوێندراوەتەوە

ئاسایشا کۆکس ل دەڤەرا گەرمیان دبێژیت، ل گوندەکێ سەر ب قەزایا خانەقین دوو شڤان هاتنە ڕەڤاندن.

شەماڵ عەبدولڕەحمان بەرپرسێ ئاسایشا کۆکس ل دەڤەرا گەرمیان بۆ ئێن ئاڕ تی ڕاگەهاند، ل گوندێ مەحمود عەباسێ سەر ب قەزایا خانەقین دوو شڤان هاتنە ڕەڤاندن، یێن کو ئەو ڕەڤاندین جلوبەرگێن سەربازی لبەربوون، دبێژیت ژی، هەردوو شڤان ب رەگەز عەرەب بوون.

بەرپرسێ ئاسایشا کۆکس ئەوژی دیارکر، "ل دەڤەرا نەفتخانە یا سەر ب خانەقین هێرشکریە سەر حەشدا شەعبی و شەڕ بەردەوامە"، دبێژیت ژی، "هەیا نها سێ چەکدارێن حەشدا شەعبی بریندارن".

ئەڤە ددەمەکیدایە، ل حەفتیا دەربازبووی، ل دەڤەرا گەرمیان چەندین حالەتێن رەڤاندنێ و هێرشکرنا سەر دەڤەران و چەندین بویەرێن دیێن هەڤئاوایی روویداینە، کو ددەمێن دەربازبوویدا چەندین جاران بەرپرسێن هەرێمێ و بەغدا بەحسێ ڤالاهیا ئەمنی د سنوراندا کریە.

گەرمیان حەمەی پور، کەلار