سەرنووچە:

ئارتێشا تورکیا ل کێستە پێشڤەچوونێ دکەت و نێزیکی گوندی دبیت

فۆتۆ: 
2021-04-30

326 جار خوێندراوەتەوە

نیهاد ئورەماری / ئامێدیێ

نووچەگەهانێ ئێن ئاڕ تی ل ئامێدیێ ڕاگەهاند، توبخانێن ئارتێشا تورکیا جارەکا دی دەست ب توپبارانکرنا دەردورێ کێستە ل دەڤەرا بەرواری بالا کر و ئاگر ژی ب بەشەکێ دارستانا وی گوندی کەفتیە، دبێژیت، ئارتێشا تورکیا ل کێستە پێشڤەچوونێ دکەت و نێزیکی گوندی دبیت .

ڕاگەهاند ژی، نێزیکی دوو دەمژمێرایە توبخانێن ئارتێشا تورکیا توپبارارنا دەردورێ گوندێ کێستە دکەن ب دویراتیا تنێ کیلۆمەترەکێ و ئاگر ژی ب بەشەکا دارستانا وی گوندی کەفتیە.

محمود کێستەی موختارێ گوندێ ناڤبری بو ئێن ئاڕ تی دیارکر، ئارتێشا تورکیا پێشڤەچوونێ دکەت کو جهێن گرنگ یێن هنداڤی گوندی کۆنترۆل بکەت و ل قونتارا زنارا کێستە دیارە تونێلەکا پەکەکێ هەیە وان دڤێت وی جهی کۆنترۆل بکەن .

موختارێ گوندی بەحسا وێیەکێدژیکر، ئەگەر حکومەتا هەرێمێ و ئالیێن شولە ژێ د هەوارا خەلکێ گوندی نەهێن، دێ ژیانا وان کەڤیتە د مەترسیێ دا و نەچارن گوندی ڤالابکەن.

ئەڤە د دەمەکیدایە، هەیاما حەفتیەکێ یە ئارتێشا تورکیا ئۆپراسیۆنەکا لەشکەرێ ل زنارا کێستە وهند جهێن دی دەسپێکریە و رۆژ بۆ روژێ د پێشڤەچوونێ دایە.