سەرنووچە:

راوێژکارەکێ وەزارەتا پەروەردێ: مەترسی ل سەر پرۆسەیا خاندنا ئەڤسالە یا هەی

فۆتۆ: 
2021-04-30

335 جار خوێندراوەتەوە

راوێژکارەکێ وەزارەتا پەروەردێ ڕاگەهاند، ل هەرێما کوردستانێ ژمارا رۆژێن خاندنێ ل ناڤ پۆلاندا پرسیارێ دئێخیتە سەر دەرئەنجامێ خاندنا ئەڤسالە، دبێژیت ژین "مەترسی لسەر پرۆسەیا خاندنا ئەڤسالە یا هەی".

ئەڤرۆ ئەینی، بورهان ئەرگوشی راوێژکارێ وەزارەتا پەروەردەیا هەرێمێ د داخویانیەکا تایبەتدا بۆ ئێن ئاڕ تی ڕاگەهاند، ل هەرێما کوردستانێ ژمارەیا رۆژێن خاندنێ ل ناڤ پۆلاندا پرسیارێ دئێخیتە سەر دەرئەنجامێ خاندنا ئەڤسالە.

ڕاگەهاند ژی، کێمیا خاندنێ ل ناڤ پۆلاندا ل هەرێما کوردستانێ هەڤئاوایێ بەشەک ژ وەلاتێن جیهانێ مەترسی ل سەر پرۆسەیا خاندنا ئەڤسالە یا هەی.

ئاماژە ب وێ یەکێ ژی کریە، ل گورەی پلانەکا پرۆگرامێن خاندنێ ل پۆلان کێمکریە و کورتکریە، ب ئاوایەکی کو بشێن بۆ مەها تیرمەهێ داوی ب خاندنا ئەڤسالە بهێت.

ئەو یەک ژی بەرچاڤکر، ئەگەر ئەو پلانا نها دانای وەکی خۆ برێڤەبچیت و چ پێشهاتێن نەخوازراو نەهێنە پێش، ب ئەنجامەکێ تا رادەیەکێ باش دێ ژێ دەرچن.

هەر ئەڤرۆ ژی وەزارەتا نافخۆ د ڕاگەهاندنەکێدا ئاماژە ب وێ یەکی کر، پشتی جەژنا رەمەزانێ ل پشتی هەلسەنگاندنا رەوشا ساخلەمی و رادەیێ کاریگەریا ڤایرۆسێ کۆرۆنایێ دێ دەرگەهێ قوتابخانان هێنە ڤەکرن.

هـ.ر