سەرنووچە:

تورکیا: د ئۆپەراسیۆنێن سەربازیدا ل هەرێمێ تا نها مە ٤٢ چەکدارێن پەکەکە کوشتینە

فۆتۆ: 
2021-04-30

286 جار خوێندراوەتەوە

وەزیرێ بەرەڤانیا تورکیا ڕاگەهاند، سوپایێ وەلاتێ وی ل هەرێما کوردستانێ بەردەوامە ل ئۆپەراسیونێت سەربازیێن چنگا بروسکە و چنگا ئەورە تریشقە دا و تا نها ٤٢ چەکدارێن پارتا کرێکارێن کوردستانێ "پەکەکە" کوشتینە.

وەزارەتا بەرەڤانیا تورکیا د ڕاگەهاندنەکێ دا ئاماژە ب وێ یەکێ کر، ئارتێشا وەلاتێ وان ل چارچوڤێ ئۆپەراسیۆنێت چنگا بروسکە و چنگا ئەورە تریشقەدا بەردەوامە ژ ب ئامانجگرتنا پێگەهێن پارتا کرێکارێن کوردستانێ ل هەرێما کوردستانێ.

ئەو یەک ژی بەرچاڤکر، هێزێن وان ل هەردوو ناڤچەیێن مەتینا و ئاڤاشین- باسیان دا بەردەوام هێرشێن ئەسمانی و زەمینیێن بۆ سەر پێگەهێن پەکەکە ئەنجامددەن.

بەحس ژ وێ یەکێ ژی کریە، ل دەستپێکا دەستپێکرنا ئۆپەراسیۆنێ تا نها ٤٢ چەکدارێن پەکەکە کوشتینە.

ل ٢٣ێ نیسانێ سوپایێ تورکیا ب بەهانەیا هەبوونا بنکە و بارەگایێن پارتا کرێکارێن کوردستانێ ل ناڤچەیێن مەتینا و ئاڤاشین- بەحس ل هەرێما کوردستانێ دەستپێکریە ب ئۆپەراسیۆنا چنگا بروسکە و چنگا ئەورە تریشقە ب ئارمانجا هێرشکرن و لێدان ل وان پێگەهـ و بنکان.

هـ.ر