سەرنووچە:

دادگەها تورکیا سزایێ زیندانکرنێ بۆ دەمیرتاش پەسەندکر

فۆتۆ: 
2021-04-29

491 جار خوێندراوەتەوە

دادگەها تورکیان سزایێ چار سال و هەشت مەهێن زیندانکرنێ بسەر هەفسەرۆکێ بەرێ یێ هەدەپێ دا پەسەندکر، پارێزەرێن وی ژی بریاری ب سیاسی بناڤدکەن.

رۆژا ٢٦ی ڤێ مەهێ، ٢٦مین ڕونشتنا دادگەها تاوانێن تورکیا ل ئیستەنبۆلێ، سزایێ چارسال و هەشت مەهێن زیندانکرنێ بسەر سەلاحەدین دەمیرتاش هەڤسەرۆکێ بەرێ یێ هەدەپێ دا سەپاندن، ئەڤرۆ ژی دادگەها بلندا تورکیا هەمان سزا بسەر دا سەپاند.

هەڤدەم، پارێزەرێن دەمیرتاشی د ڕاگەهاندنەکێ دا، پەسەندکرنا سزایێ وی وەکو فشارا سیاسی بناڤکر و ڕاگەهاند، ئەو رژدن لسەر دژایەتیکرنا وێ بریارێ.

سەلاحەدین دەمیرتاش دەما پێنج سالا ب چەند تۆمەتێن جودا ژ ئالیێ دەستهەلاتا تورکیا ئێخستنە د زیندانێ  دا، دادگەهکرنا ئەڤێ جارێ ب وێ سەدەمێ بوویە، کو ل نەورۆزا سالا ٢٠١٣ێ دا د دەما پێشکێشکرنا گوتارەکێ دا پەیڤا شەهید بۆ گەریلایان بکار ئینایە.