سەرنووچە:

داخویانیا وەزیرێ پەروەردەیا هەرێمێ ل سەر وێ ماموستایا گوتی ب قوپیایێ دەرچوویە

فۆتۆ: 
2021-02-28

769 جار خوێندراوەتەوە

ل سەر وێ ماموستایا گوتی، ''هەمی سالەکێ ب قوپیایێ دەرچوویە''، وەزیرێ پەروەردەیا هەرێمێ ڕاگەهاند، ئەو کەس فەرمانبەر یان ماموستا نینە ل وەزارەتا پەروەردێ، ژبەر هندێ نەشێین لێپرسینێ دگەل بکەین و پێتڤی ب ئالیێ دی و دیڤچوونا زێدەترە.

ئالان حەمە سەعید وەزیرێ پەروەردەیا هەرێمێ د کونفرانسەکێ رۆژنامەڤانیدا ڕاگەهاند، ''شەرمزاریا هەمی کارەکێ دکەین کو تایبەتە ب قوپیاکرنێ و دێ رێکارێن تایبەت ب خۆ بۆ نەهێلاننا وی کاری یێن هەین و هەمی سالا رێکارین پێتڤی بەرامبەر وان کەسان مە گرتینە بەر کو قوپیایێ دکەن''.

ئاماژە ب وی یەکێ ژی کریە، ''سەبارەت ب وی کەسی ل کەنالەکێ بەحسێ قوپیکرنا خۆ کری، وێ کەسی چ پەیوەندی ب لاوەزاغرەتا پەروەردێ نینە و فەرمانبەر یان مامۆستایا مە نینە''.

بەحس ل وێ یەکێ ژی کریە، ''ئەو پەیمانگەها نە حکومی ژی کو ئەو ڕێڤەبەری ل وەزارەتا پەروەردێ بناڤەکێ دیە، ژبەر هندێ ئەم نەشێین لێپرسینێ دگەل بکەین''.

ئالان حەمە سەعید دبێژیت ژی، ''وێ دوسیێ زێدەتر پێتڤی ب دیفچوونێ یە ژ ئالیێ کەسێن یاساییڤە، نەک بتنێ ئالیەک و پێتڤی ب ڤەکولینێن زێدەترە''.

ئەو ژی ددەمەکیدایە، ل چەند رۆژێن دەربازبوویدا، گرتەیاکا ڤیدیۆیی ل تۆرێن کومەلایەتی دا بەلاڤبوویە، کو تیدا ماموستایەک بەحس ژ وێ دکەت، چ دەمەکی پێتڤی ب پێداچوونێ نەبوویە هەر ب قوپیاکرنی قوناغێن خاندنێ دەربازکرنە.

نەک بتنێ ئەو ژی، بەلکی هویربینیین قوپیایێ بەرچاڤ دکەت کا چاوا کریە و چ کەرەستە بکارئیناینە، کو ئەوێ ژی کارڤەدا بخوڤە دیتن و بەشەک رەخنەیێن توند ل وێ ماموستایێ هاتنە گرتن کا چاوا ب وی ئاوای پێگەهشتیە و نها چاوا دڤێت زارۆکین خەلکی پەروەردە بکەت.

د وی بیاڤیدا ژی، کەریم شەریف قەرەچەتانی دەرونناس و شارەزایێ پەروەردێ د نڤیسینەکێدا ئەو یەک بەرچاڤکر بوو، ''باشە ڤێ بەرێزی بخۆ دانپیدان ب وێ یەکێ کر کو ب قوپیایی دەرچوویە و نها ژی ل زانکو یێ کاردکەت ژ ئالیێ یاساییڤە بەرپرسیارەتی چییە؟

کەریم شەریف گوتبوو ژی، ''باشە چاوا دشێت بێژیتە خوێندکارێن زانکۆیێ قوپیێ نە کەن، باشە ئەگەر وێ ب وی ئاوای خاندن تەمامکریە، بوچی ل ڕاگەهاندنێ بەحس دکەت''.

ل بەرامبەردا، هندەک ئەڤ ئاخفتنێن ئەو وەک ئازادیا رادەربرینێ لێدکەن و بەشەک ژی وەسا دبینن، ئەو یا بتنی نینە ژ وێ کو ب نە شایستە باوەرنامە بدەستڤە ئینا بیت و هندەک ژ وان ژی نها پوست و پلەیێن فەرمی یێن هەین ب هەمان ئاواینە.

هـ.ر