سەرنووچە:

ساخلەمیا دهۆکێ: ١٤ کەس توشی زنجیرا نویا ڤایرۆسێ کۆرۆنایێ بووینە

فۆتۆ: 
2021-02-28

951 جار خوێندراوەتەوە

پشتی وەزیرێ ساخلەمیا هەرێمێ توشبوونا چەندین حالەتان ب زنجیرا نویا ڤایرۆسێ کۆرۆنایێ ل پارێزگەها دهۆکێ ڕاگەهاندی، رێڤەبەریا ساخلەمیا وێ پارێزگەهێ توشبوونا ١٤ حالەتان پشتراستکر.

دکتور سامان بەرزەنجی، وەزیرێ ساخلەمیا حکومەتا هەرێمێ د کونگرەیەکێ رۆژنامەڤانیدا ڕاگەهاند، ب چەند ئامیرێن تایبەت هەژمارەکا زێدەیا پشکنینێن زنجیرا ڤایرۆسێ نویێ کۆرۆنایێ هاتنە ئەنجامدان و دیاربوویە ل پاریزگەها دهۆکێ هەژمارەکا زێدەیا توشبوویان هەنە.

هەڤدەم، دکتور ئەفراسیاب موسا رێڤەبەریێ گشتیێ ساخلەمیا پارێزگەها دهۆکێ بۆ ڕاگەهاند، پشتی ئەنجامدانا هەژمارەکا پشکنینان دەرکەتیە ٩٠% هەلگرێن زنجیرا نویا کۆرۆنایێ نە، و ژمارا وان کەسێن پشکنین بۆ هاتیە کرن ١٦ کەس بووینە و ١٤ ژوانا هەلگرێ وێ ڤایرۆسی نە و بتریا وان کۆرۆنایا کەڤنە خۆ گوهارتیە بۆ زنجیرا نویا کۆرۆنایێ.

زەلال ژیکر، کاریگەریا ڤی جورێ ڤایرۆسی هەمان جورێ ڤایرۆسێ بەریا نها یە لێ بلەزتر بەلاڤ دبیت. هەڤدەم گوتیەژی. دبێژیت ژی، ئەڤ ترس و دلگرانیا مە یا وەلاتێن دی یێن کو پێشتر توشبوونا زنجیرا نوی لێ هاتیە تومارکرن، ژبەر کو گەلەک زووی بەلاڤ دبیت.

ئەڤە د دەمەکێ دایە، دوهی هەژمارەکا زۆرا پشکنینێن زنجیرا نویا کۆرۆنایێ ب ئالەتێن تایبەت هاتنە ئەنجامدان، و دیاربوویە هەژمارەکا زێدە ل پارێزگەها دهۆکێ توشبوویە، لێ ژمارا ب دروستاهی هێشتا نەهاتیە ڕاگەهاند، بریارە ل دەمەک نێزیک بهێتە ئەشکرا کرن و ڕاگەهاندن.

و.ح