سەرنووچە:

بۆ روژا سێیێ ل سەر ئێک؛ چ حالەتێن ژیان ژدەستدانێ ب کۆرۆنایێ ل هەرێمێ نە هاتینە تومارکرن

فۆتۆ: 
2021-02-28

232 جار خوێندراوەتەوە

هەرچەندە زێدەتر ژ حەفتیەکێ یە، حالەتێن توشبوون ب ڤایرۆسێ کۆرۆنایێ ل پارێزگەهێن باشور و ناڤەراستا عێراقێ ب رێژەکا بەرچاڤ بلندبوویە، ل هەرێما کوردستانێ تا رادەیەکێ جێگیرە و ئەڤرۆ ژی رۆژا سێیێ یە چ حالەتێن ژیان ژدەستدانێ ب ڤایرۆسی نەهاتینە تومارکرن.

ل گورەی ڕاگەهاندنا وەزارەتا ساخلەمیا عێراقێ ئەڤرۆ ئێکشەمبی ، ل دەما ٢٤ دەمژمێرا دا و ل پاریزگەهێن ناڤەڕاست و باشور (سێ هزار و ١١) کەس توشی ڤایرۆسی کۆرۆنایێ بوون، ل دەمەکێدا ل دەما بتنێ ٢٤ دەمژمێرا دا ل تەڤایا هەر سێ پارێزگەهان و هەردوو ئیدارەیێن راپەرین و گەرمیان ل هەرێما کوردستانێ (٢٣١) کەس توشی وی ڤایرۆسی بوون.

وەزارەتا ساخلەمیا عێراقێ بەحس ل وێ یەکێ ژی کرییە، بتنێ ئەڤرۆ شەمبی ل پارێزگەهێن باشور و ناڤەراستا عێراقێ (٢٣) کەس ژ ئەگەرێ ڤایرۆسی ژیاننا خۆ ژدەستدایە و ل هەر سێ پارێزگەهێن هەرێم و هەردوو ئیدارەیێن راپەرین و گەرمیان چ کەسەک ژ ئەگەرێ وی ڤأیرۆسی ژیانا خ٠ۆ ژ دەستنەدایە.

ل گورەی ئامارا وەزارەتا ساخلەمیا عێراقێ، ل دەستپێکا بەلاڤبوونا کۆرۆنایێ یە تا نها، ٦٩٥ هزار و ٤٨٩ کەس ل عێراق و هەرێما کوردستانێ توشی ڤایرۆسێ کۆرۆنایێ بوون. ژ وێ ژمارێ ژی، ٦٣٥ هزار و ٩٣١ کەس چێبووینەڤە و ١٣ هزار و ٤٠٦ کەس ژی ژیانا خۆ ژ دەستدایە. د نهادا ژی ٣٩٧ کەس لژێر چارەسەریا پزیشکیدانە.

هـ.ر