سەرنووچە:

ل تەقینەکێدا حەفت چەکدارێن حەشدا عەشاییری هاتنە کوشتن

فۆتۆ: 
2021-02-28

260 جار خوێندراوەتەوە

ژێدەرەکێ ئێمناهیێ بو ئێن ئاڕ تی ڕاگەهاند، ژ ئەگەری تەقینا ترومبیلەکا بومبرێژکری ل پاریزگەها ئەنبار حەفت چەکدارین حەشدا عەشاییری هاتنە کوشتن.

ژێدەرەکێ ئێمناهیێ بو ئێن ئار تی راگەهاند، ترومبیلەکا بومبرێژکری ل نافچەیا شامیە یا قەزایا حەدیسە و ل تاخێ مەدهەم ل رۆژئاڤایێ پارێزگەها ئەنبار تەقیە.

ئاماژە ب وێ یەکێ ژی کر، هێزەک ژ لیوایا پیادە یا هەشت یا فیرقەیا حەفت ترومبێلەکا ژ جۆرێ پیکابا سپی گروپێ چەکدارێن داعش دیتیەڤە، کو بەرەڤ ئاڕاستێ بیابانێن قائیم چوویە، لێ ل دەما هەلوەشاندنێدا ب تیما ئەندازیاران دا تەقیە.

وی ژێدەری ئاشکرا کر ژی، ژ ئەگەرێ تەقینێ حەفت چەکدارێن حەشدا عەشاییری ژیانا خۆ ژ دەستدایە، کو دناڤا وان دا ژی نەقیب عەبدولا بەرپرسێ فەسیلا چارەسەرکرنێ و سەربازەکێ لیوایا پیادە یا هەشت یا هەی.

هەڤدەم، ١٠ کەسێن دی برینداربوون، کو پێنج ژ وان سەر ب لیوایا پیادەیا هەشتن و دوو ژوان چەکدارێن حەشدا عەشاییرینە.

ئەڤە ژی ددەمەکیدایە، ل مەها دەربازبووی دا، تەقینەکا مەزن ل باژێرێ بەغدا روویدا و ژ ئەگەرێ وێ یەکێ زیدەتر ژ ٣٠ کەسا ژیانا خۆ ژ دەستدا و ١١٠ کەسین دی ژی برینداربوون.

هـ.ر