سەرنووچە:

دەما گەهشتنا ڤاکسینا کۆرۆنایێ بۆ هەرێما کوردستانێ هاتە ئاشکراکرن

فۆتۆ: 
2021-02-28

278 جار خوێندراوەتەوە

پشتی کو بالەفڕا تایبەت یا عێراقێ رەوانەی وەلاتی چینێ هاتیە کرن بۆ ئینانا ڤاکسینا کۆرۆنایێ، ڕێڤەبەرێ گشتیێ دیوانا وەزارەتا ساخلەمیێ ڕاگەهاند، پشتی گەهشتنا ڤاکسینا کۆرۆنایێ بۆ بەغدا، ل دەما دوو رۆژا دا پشکا هەرێمێ دگەهیتە هەولێرێ.

خالس قادر ڕێڤەبەرێ گشتیێ دیوانا وەزارەتا ساخلەمیێ ڕاگەهاند، پشکا هەرێمێ ل کاروانێ ئێکێ یێ ڤاکسینا چینی دا، ٣٠٠ هزار ژەمە و ل دەستپێکێ دێ دەنە وان کەسێن نەخۆشیا دریژخایەن هەی و ئەوێن بەرگریا وان لاوازە و کارمەندێن ئێمناهیێ و پاشان هەمی وەلاتیان.

دوو رۆژا بەریا نها، سەیف بەدر پەیڤدارێ وەزارەتا ساخلەمیا عێراقێ بو ئین ئاڕ تی ڕاگەهاند، بالەفرا تایبەت یا هێزا ئەسمانی رەوانەی وەلاتێ چینێ کریە تا باری ڤاکسینێن کۆرۆنایێ بینن.

گوتژی، ''ل دوو رۆژێن داهاتیدا، ئانکو ل ٢٨ێ ڤێ مەهێدا، دێ ڤاکسین گەهیت'' و ئەو ژی ب وێ رامانێ دهێت کو ئەڤرۆ ئێکشەمبی، ب ئەگەرا زێدە دێ ڤاکسین گەهیتە بەغدا.

هـ.ر