سەرنووچە:

حکومەتا هەرێمێ بۆ ئین ئاڕ تی: دگەل لژنا دارایا پەڕلەمانێ عێراقێ گەهشتنە لهەڤهاتنێ

فۆتۆ: 
2021-02-28

663 جار خوێندراوەتەوە

سەرۆکێ نوینەراتایەتیا حکومەتا هەرێمێ ل بەغدا بۆ ئێن ئاڕ تی ڕاگەهاند، شاندێ هەرێمێ دگەل لژنا دارایا پەڕلەمانێ عێراقێ ژی جڤیان و گەهشتنە لهەفهاتنێ، لێ بتنێ هندەک ئالی ماینە کو مزایدەیێن سیاسی و فشارێ دئێخنە سەر هەرێمێ.

فارس عیسا سەرۆکێ نوینەرایەتیاهەرێمێ ل بەغدا بۆ ئێن ئاڕ تی ڕاگەهاند، ڤەگەریانا شاندێ هەرێمێ بۆ بەغدا پەیوەندی ب دیارکرنا دەما روونشتنا پەڕلەمانێ عێراقێ ڤە هەیە.

ئەو ژی نیشاندا، ئەو وەکی حکومەتا هەرێمێ دگەل حکومەتا عێراقێ گەهشتنە لهەفهاتنێ و پابەندی ئەوێ لهەڤهاتنێ نە، کو هاتیە کرن و ئەوا نها ئالیێن سیاسی یین عێراقی دڤێن فشارا زێدەتر بێخنە سەر هەرێمێ.

فارس عیسا دبێژیت ژی، وەکی هەرێما کوردستانێ چاڤەرێیا لهەڤهاتنا ئالیێن سیاسیێن عێراقێ دکەن هەیا پەڕلەمان دەنگی ب پرۆژە یاسایێ بدەتن.

هەڤدەم، ل گۆرەی زانیاریێن ئێن ئاڕ تی، ئەگەر پەڕلەمانێ عێراقێ بریارێ بدەت لسەر جڤینا رۆژا پێنجشەمبی وی دەمێ شاندا دانوستانکارێن هەرێمێ رۆژا سێشەمبی دێ ڤەگەریتە بەغدا.

ئەڤە د دەمەکێ دایە، ل دەما دەربازبووی، چەندین جاران شاندێن هەرێمێ سەرەدانا بەغدایێ کرنە، لی هەیا نها لهەڤهاتن ئیمزانەرکرنە.

هێرش قادر، هەولێر

و.ح