سەرنووچە:

ئەرێ ئەڤ سالە دێ رێک ب ئەداکرنا فەریزا حەج و عومرەیێ هێتە دان؟

فۆتۆ: 
2021-02-28

415 جار خوێندراوەتەوە

رێڤەبەریا حەج و عومرێ ل سێلمانی ڕاگەهاند، هەچەندە ل دەستپێکا سالا دەربازبووی گرێبەستا دناڤبەرا کومپانیان و سعودیە دا هەلوەشیا، لێ ل ڤێ داویێ وی وەلاتی داخازکریە گرێبەست بهێنە نوکرن. دبێژیت ژی، د مەها رەمەزانێ دا عومرەکرن دێ هێتە تاقیکرن، ئەگەر ژ ئالیێ کۆرۆنایێ ڤە سەلامەت بوو، ڕەنگە رێک ب حەجکرنێ  ژی بهیتە دان.

کامەران عەلی و رێڤەبەرێ حەج و عومرەیێ ل سلێمانیێ ڕاگەهاند، ل هەرێما کوردستانێ کو زێدەتری ٢١٠ کۆمپانیایێن حەج و عومرێ هەنە و داخاز ل مە کریە، ئەوان گرێبەست ئیمزاکریە ئامادەبن هەر دەما حکومەتا سعودیە ڕاگەهاند مەترسیا کۆرۆنایێ کێمبوویە، دێ دەست ب عومرەیێ کەینەڤە ل مەها رەمەزانێ.

ئاماژە ب وێیەکێ ژی کر، د نها دا چ کومپانیا ل عێراقێ ڤیزە وەرنەگرتنە ب کومپانیێن هەرێمێ ڤەژی، هەڤدەم، چ بەروارێن دیارکری نینن کو سعودیە ڤیزێ بدەت.

ژ روویێ حەج و عومکرەیا ئەڤسالە ڤە زەلال ژی کر، ب سەدەما گرتنەبەرا رێکاران ژ ئالیێ حکومەتا سعودیەڤە، کومپانیێن وان ب خۆ ژی نەشێن پێشبینیا چ بها و تیچوویەکێ بکەن.

بەحسا وێیەکێ ژی کریە، سالێن دەبازبووی هەر پاسەکێ ٤٥ کەس هەلدگرتن، لێ ئەڤ سالە دڤێت بتنێ ٢٥ کەسان هەلگریت، لێ ئەو کەسە دڤێت کریا ٤٥ کەسا بدەن. د هوتێلان ژی دا دڤێت هەر ژۆرەک دوو کەس تێدا بمینن و کریا پێنج کەسا بدەن. ژبلی وێیەکێ ژی هەر کەسێ هەلگرێ ڤایرۆسێ کۆرۆنایێ بیت، ١٤ رۆژان دێ لسەر حسابا خۆ هێتە کەرەنتینەکرن و پاشان ب بالەفرەکا تایبەت بۆ وەلاتی وی هێتە زفراندن. ژبەکو هەڤالێن وی دێ پشتی ١٠ رۆژان زڤرنە ڤە، هەمی ئەو رێکارێن خەرجیان دوو جاران بترە، هەر ژ بەر وێیەکێ حەجی و عومرەکار نزانن سێ هزار دۆلار دێ وەکی پێتڤی تێراکەن یان زێدەتر و کیمتر.

دەربارەی  دەستپیکرنا حەجێ ژی ئاماژە ب وێیەکێ کر، هەیا د مەها رەمەزانێ دا عومەر نەهێتە ئەنجامدان و تێست نەهیتەکرن و ڕەوش بۆ سعودیە زەلال نەبیت، چ پێنگاڤان ناهاڤێژن. ئەگەر بۆ وان دیاربوو ل دەما عومرەکرنێ دا بەلاڤبوونا ڤایرۆسێ کۆرۆنایێ کونترولکریە، وی دەمی دێ داخازێ ل حەجیێن وەلاتێن ئیسلامێ کەن پاسپۆرتێن خۆ ئامادە بکەن.

دبێژیت ژی، ب سەدەما زێدەبوونا رێگریان و زۆر گرتنا بەرا ریکارێن خۆ پاراستنێ و گرانبوونا تیچوونێ و کێمیا دەمێ مانا حەجیان و عومرەکاران ل سعودیە، خواست لسەر عومرەیێ کێمبوویە و هەیا نها چ کومپانیان سەرەدانا وان نەکریە بۆ تەمامکرنا رێکاران هەیا خۆ بۆ گەشتان ئامادەبکەن.

و.ح