سەرنووچە:

کەمپا هولێ.. د بویەرەکا ئاگربەبوونێ دا سێ کەسان ژیانا خۆ ژ دەستدان

فۆتۆ: 
2021-02-27

1189 جار خوێندراوەتەوە

نوچەگەهانێ ئێن ئاڕ تی ڕاگەهاند، ل کەمپا هولێ د ئاهنگا هەڤژینیێ دا بویەرەکا ئاگر بەربوونێ چێبوویە و ب وی سەدەمی سێ وەلاتیان ژیانا خۆ ژ دەستدا.

کاوا ئەدەهەم نوچەگەهانێ ئێن ئاڕ تی ل رۆژئاڤایێ کوردستانێ ڕاگەهاند، ئێڤاریا ئەڤرۆ دناڤا کەمپا هولێ دا ل رۆژئاڤایێ کوردستانێ د ناڤا ئاهەنگەکا هەڤژینیێ دا بویەرکا ئاگربەربوونێ دروستبوویە و سێ کەسان ژیانا خۆ ژ دەستدایە و ٢٢ کەسێن دی ژی برینداربووینە.

ئاماژە ب وێیەکێ ژی کر، بریندار هاتنە ڤەگوهاستن بۆ نەخوشخانا گەل ل باژاری حەسەکێ و برینا ١٠ ژوانا دژوارە و ساخلەمیا وان نەیا جهگیرە.

هەڤدەم، شێخ موس ئەحمەد، سەرۆکێ نڤیسینگەها کاروبارێن پەنابەران ل رۆژئاڤایێ کوردستانێ ڕاگەهاند، ئەڤشەڤە ئاگر بەربوویە کەمپا هولێ یا رۆژئاڤایێ کوردستانێ کو پتریا وان ژن و زارۆیێن داعش تێدانە و هەر ب سەدەما وی ئاگری ٢ زارۆک و ژنەکێ ژیانا خۆ ژ دەستدایە.

کەمپا هولێ ل رۆژئاڤایێ کوردستانێ یە و دکەڤیتە باژارێ حەسەکێ، ئاکنجیێن وێ ژی هەمی کەسوکارێن داعشێ نە.

و.ح