سەرنووچە:

سەرۆکێ فراکسیونا پارتی دەربارەی دەستەسەرکریێن بەهدینان: سەرۆکێ حکومەتێ بەری دادگەهێ بڕیار نەدایە

فۆتۆ: 
2021-02-26

446 جار خوێندراوەتەوە

سەرۆکێ فراکسیونا پارتی ل پەرلەمانێ کوردستانێ ڕاگەهاند، ناڤ ئینانا بەهدینان لسەر دەستەسەرکرنا چەند رۆژنامەڤان و چاللاکڤانان دەلیڤەیەکە بۆ ب سیاسەتکرنا ڤێ پرسێ، دبێژیت ژی، "دوێ دوسیێدا سەرۆکێ حکومەتێ بەری دادگەهێ بڕیار نەدایە".

زانا مەلا خالید سەرۆکێ فراکسیۆنا پارتی ل پەرلەمانێ کوردستانێ بۆ دەنگێ ئەمریکا ڕاگەهاندیە، ناڤ ئینانا بەهدینان لسەر دەستەسەرکرنا چەند رۆژنامەڤان و چاللاکڤانان دەلیڤەیەکە بۆ ب سیاسەتکرنا ڤێ پرسێ، ئەگەرنە، ل سنورێن دیێن هەرێمێژی کومەکا دوسیان هەیە، کو گومان هەیە پێشلکرنا مافێ مرۆڤی تێدا هاتبیتە کرن.

بەحسێ وێیەکێ ژیکر، "نها ل سنورێن دیێن هەرێمێژی کومەکا دوسیان هەیە، کو نەدڕوونن بۆ پەرلەمانی و میدیایانژی، لێ ئارمانجا مە پەرەپێدانە بوێ سەقامگێریا سیاسی و ئەمنی و کومەلایەتیا ل هەرێمێ هەی، مە نەڤێت ئالوزی بکەڤیتە جاددێ".

سەرۆکێ فراکسیونا پارتی دبێژیت ژی، "سەرۆکێ حکومەتێ بەری دادگەهێ بڕیار نەدایە ودەستهەلات بۆ دادگەهێ هێلا، ژبەر ڤێ یەکێ راستی وان رەخنا بووین ژبەرکو دەستهەلات بۆ دادگەهێ ڤەگەریایە و لایەنێن دی، دەستێوەردانا کاروبارێن دادگەهێ دکەن، کو ئەڤەژی پرسەکا تەمام بەروڤاژی یاسا و دەستوریە".

ئەڤە ددەمەکیدایە، چەند رۆژان بەری بڕیارا دادگەهێ دەربارەی دەستەسەرکریێن بەهدینان، مەسرور بارزانی سەرۆکێ حکومەتا هەرێمێ ڕاگەهاندبوو، "ئەو کەسێن ل سنورێ بەهدینان هاتینە دەستەسەرکرن، نە رۆژنامەڤان و نە چالاکڤانن، بەلکو هندەک سیخوربوون" گوتبوژی، "ئەو کەسێن سیخوری بۆ وەلاتێن دی کری تێکدەر و چەکداربوون".

پشترا و ل ١٦ی مەهێدا، ل دادگەها هەولێرێ دادگەهـ بۆ هەژمارەک ژ دەستەسەرکریا بڕێڤەچوو، کو تێدا ب ماددێ یەکێ ژمارە ٢١ی سالا ٢٠٠٣ێ یا تایبەت ب هەولدان بۆ تێکدانا ئاسایشا نەتەوەی سزایێ شەش سالێن زیندانیکرنێ بسەر دەستەسەرکریاندا سەپاند، کو ئەوێژی نەرازیبونا رایا گشتی و بەشەک ژ ئالیێن سیاسی و پەرلەمانتارا بدیف خۆدا ئینا و ببڕیارەکا نەدادپەروەرانە دزانن و دبێژن، بەریا نها و ژدەرڤەی دادگەهێ بڕیار لسەر هاتیە دان.   

هـ.إ