سەرنووچە:

پارتی ل بەغدا ل دیف هەڤپەیمانان دگەریت

فۆتۆ: 
2021-02-26

309 جار خوێندراوەتەوە

پارتی ل بەغدا ل دیف هەڤپەیمانان دگەریتل مالا سەرۆک پەڕلەمانێ عێراقێ، پارتی و چەند ئالیێن عێراقێ جڤیانە و گۆتۆبێژ لسەر پێکئانینا هەڤپەیمانیتیەکا گشتگیر کرنە بۆ هەلبژارتنێن بەروەخت.

ل گۆرەی مەدیایێن عێراقی، ل مالا محەمەد حەلبوسی سەرۆک پەرلەمانێ عێراقێ، پارتی و چەند ئالیێن دی یێن عێراقێ جڤیانە ب مەرەما پێکئانینا هەڤپەیمانیتیەکا گشتگیر بوویە بۆ هەلبژارتنێن بەروەخت.

میدیایێن عێراقێ ئاماژە ب وێیەکێ ژی کرنە، شاندی پارتی ب سەرکردایەتیا هشیار زێباری بوویە.

بەسحا وێیەکی ژی کریە، چاڤەرێ دهێتەکرن هەڤپەیمانیەکا گشتگیر ژ پارتی دیموکراتی کوردستان ب سەرۆکایەتیا مەسعود بارزانی و حزبا تەقەدوم ب سەرۆکایەتیا محەمەد حەلبوسی، دگەل عێراقیون ب سەررۆکایەتیا عەمار حەکیم بهێتە پێکئانین.

ل گۆرەی زانیاریان، پارتی دیموکراتی کوردستان چار جاران شاند ب سەرۆکایەتیا هشیار زێباری شاندیە بەغدا بۆ وێیەکێ دگەل یەک ژ ئالیێن شیعە رازیبکەت د هەلبژارتنێن داهاتی دا ببن هەڤپەیمان.

حەفتیا دەربازبووی، عەمار حەکیم، سەرەدانا هەرێما کوردستانێ کر، و دگەل بەرپرسین یەکێتی و پارتی جڤیابوو، کو بابەتەکێ سەرەکیێ سەرەدانا حەکیم پێکئانینا هەڤپەیمانیێ بوویە دگەل پارتی و یەکێتی.

ئارمانج ژ  وێ هەڤپەیمانیێ دروستکرنا زورینەیا سیاسیە بۆ دروستکرنا حکومەتا داهاتیا عێراقێ و ل دیف زانیاریان ژی، وان ئالیان دڤیت ب دروستی هەڤپەیمانیێ ب ئارمانجا هەلبژارتنێن داهاتی د بەرژەوەندیا خۆ دا یەک ئالی ببیت.

و.ح