سەرنووچە:

وەزارەتا نافخویا هەرێمێ نوچەیەکێ میدیایێن پەکەکێ رەتدکەت

میدیایێن پەکەکێ: پارتی کەسەک ڕادەستی تورکیا کریە
فۆتۆ: 
2021-02-25

697 جار خوێندراوەتەوە

وەزارەتا نافخویا هەرێما کوردستانێ ئەو نوچەیێ پەکەکێ ڕەتکر کو تیدا بەحس ل ڕادەستکرنا کەسەکێ ب تورکیا دکەت.

ئەڤ شەڤە پێنجشەمبی وەزارەتا نافخویا هەرێمێ ڕاگەهاندنەک بەلاڤکر و ئاماژە ب وێیەکێ کر، "ل چەند رۆژێن دەربازبووی دا، ڕاگەهاندنێن پەکەکێ، نوچەیەک بەلاڤکرنە کو دبێژیت کەسەک ب ناڤێ (عومەر بارتان) خەلکێ دەڤەرا تاتوانا تورکیایە ب چاڤێ گرێدای ل سنورێ ئیبراهیم خەلیل شاندنە تورکیا، ئەم ب هەمی ڕەنگا ڤی نوچەی ڕەتدکەین".

دبێژیت ژی، "ئەو نوچەیە ب نوچەیەکێ دی یێ چەواشەکاریێ پارتا کرێکارێن کوردستانێ (پەکەکە) دزانین بۆ ناڤزراندن و نەشرینکرنا حکومەتا هەرێما کوردستانێ بوویە، ژ بەر هندێ چ بنەما نینن".

چەند رۆژان بەریا نها میدیایین نێزیک ل پەکەکێ بەحسا ڕادەستکرنا کەسەکێ بناڤێ (عومەر بارتان) ب دەولەتا تورکیا دکەن.

میدیایێن پەکەکێ بەلاڤکرنە، عومەر بارتان ژیێ وی ٤٨ سالە و خەلکێ دەڤەرا تاتوانێ یا سەر ب باژارێ بەدلیسێ ل باکورێ کوردستانێ یە ب سەدەما کارێن سیاسی و ژ ئالیێ پۆلیسێن دەولەتا تورکیا ڤە هاتیە دەستەسەرکرن و بۆ دەما ١٢ سالان د زیندانێ دا مایە.

هەر ل گۆرەی میدیایێن پەکەکێ، پشتی دەما زیندانکرنێ، عومەر بارتای دوسیەکا دی لسەر هاتیە ڤەکرن و دەولەتا تورکیا فشار ئێخستنە سەر، ژبەر وێیەکێ ل حوزەیرانا ٢٠١٩ێ ب نەچاری هاتیە هەرێما کوردستانێ.

ئەو یەک ژی هاتیە عومەر  بارتان کو ل هەولێرێ مایە، ٣ی تەموزا ٢٠١٩ێ، پشتی مەهەکێ ژ مانا وی ل هەرێما کوردستانێ، "ژ ئالیێ هێزێن ئاسایشا پارتی ڤە هاتیە دەستەسەرکرن، و ل وێ رۆژێ وەرە کەسی چ ژێ نەزانیە و چ زانیاری ب مالباتا ویب نەهاتنە دان".

و.ح