سەرنووچە:

ڤیدیۆ.. ژبەر هەڕفینا دوو پران رێیا نێزیکی ٤٠ گوندێن سنورێ قەزا بەردەڕەش قوت بوو

فۆتۆ: 
2021-01-20

878 جار خوێندراوەتەوە

نووچەگەهانێ ئێن ئاڕ تی ڕاگەهاند، دەمەکێ بەریا نها ب سەدەما هەڕفینا دوو پران ل سنورێ قەزا بەردەڕەش ـ کەلەکچی، رێیا ٤٠ گوندێن وی سنورێ قوت بوو.

سەباح سۆفی، نوچەگەهانێ ئێن ئاڕ تی ڕاگەهاند، ب سەدەمێ هاتنا بارانەکا بهێز و دروستبوونا لەهیێ پرا ناڤبەرا ناحیا کەلەکچی و گوندێن دەردورا قەزا بەردەرەش و هەروسا پرا دناڤبەرا ناحیا ناڤبری  بۆ گوندێن بنارێ چیایێ مەقلوب هەرفیانە و د نهادا رێک نەمایە و ئەو یەک ژی بوویە سەدەمێ قوتبوونا رێیا ٤٠ گوندێن وی سنورێ.

بەحسا وێیەکێ ژی، بەحسا وێیەکێ ژی کریە، چ زەرەرێن جانی نەبووینە، لێ ب هەڕفینا وان دوو پران، هاتن و چوونا وەلاتیێن وی سنوری ب تەمامی هاتیە ڕاگرتن.

ئەڤە د دەمەکێ دایە دەمێ سێ رۆژانە پێلەکا بەفر و بارانێ هندەک دەڤەرێن جودایێن هەرێما کوردستانێ ڤەگرتیە و ل هندەک دەڤەرێن سنورێ پارێزگەها دهۆکێ ب تایبەت  ناحیا کانی ماسێ زێدەتری ٥٠ سەنتیمەترێن بەفرێ بارینە و هەیا نها ژی بەفربارین ل هندەک دەڤەرێن چیایی یا بەردەوامە.