سەرنووچە:

حەفتیا داهاتی مووچەیێ چ مەهێ دێ هێتە پارڤەکرن؟

فۆتۆ: 
2021-01-20

1224 جار خوێندراوەتەوە

ژێدەرەکێ ژ وەزارەتا دارایی و ئابووریا هەرێمێ بو ئێن ئاڕ تی ڕاگەهاند، ئەو مووچەیێ حەفتیا داهاتی دێ هێتە پارڤەکرن مووچەیێ مەها ئیک یا ئەڤسالەیە و دێ ب لێبڕینا ٢١%ێ بیت و مووچەیێ مەهێن ١١ و ١٢ یا سالا دەربازبووی وەکی بەری نها دێ هێتە پاشکەفتکرن.

وی ژێدەری بۆ ئێن ئاڕ تی گوت ژی، لدیڤ یاسایێ نها هەمی حساباتێن سالا دەربازبووی دایێخستینە ژبەر هندێ د نها دا سەرەدەری دگەل سالا نوی دا دکەن.

ئەو یەک ژی زەلالکر، بریار ژ ئالیێ ئاوات شێخ جەناب وەزیرێ دارایێ هەرێمێ یە و هەروەسا گەنجینە ژی لسە نەیا هایدارە، کو لیستا موچە یا مەها ئێک ئامادەبکەن. دوهی ژی، ژێدەرەکێ ژ وەزارەتا دارایی خشتێ پارڤەکرنا مووچەیێ فەرمانبەرێن خۆ بەلاڤکر و تێدا هاتیە، پرۆسەیا دابەشکرنا مووچە دێ حەفتیەکێ ڤەکێشیت و ل ٢٤ێ ڤێ مەهێ دێ دەستپیکەت و ل ئێکێ مەها سباتێ بداوی هێت، کو ب لێبڕینا ٢١%ێ دێ هێتە پارڤەکرن.

دنهادا زێدەتری ٥٠ رۆژ لسەر داوی مووچە دا دەربازبوویە کو حکومەتا هەرێمێ سالا دەربازبووی دابەشکر و ئەو مووچەیێ کو بڕیارە دەست ب دابەشکرنا وی بهێتە کرن ئێکەم موچەیێ فەرمانبەرێن هەرێمێ یە ل سالا ٢٠٢١ێ.

ئەو ڤەژی د دەمەکێ دا یە، حکومەتا هەرێمێ ل سالا ٢٠٢٠ێ دا هەشت موچە پارڤەکربوون، کو بتنێ پێنج موچێن وان یێن ٢٠٢٠ێ بخوبوون و سێ موچەیین دی ژی یێن سالا ٢٠١٩ێ بوون.