فۆتۆ:
2021-01-19
1242 جار خوێندراوەتەوە
ئەندامەکێ سەرکردایەتیا پارتی ڕاگەهاند، ل دەف وان مووچە گرنگە لێ ژیان ب سەربلندی ژ هەمی تشتا گرنگترە.
ئاراس حەسو میرخان ئەندامێ سەرکردایەتیا پارتی دیموکراتی کوردستان د ڕۆپەلا فەرمیا خۆ ل تورا جڤاکیا فەیسبۆکی بەلاڤکریە، "جهێ داخێیە بەشەک ژ پەڕلەمانتارێن کورد ل بەغدا و ل هەرێمێ دڤی دەمی دا کو حکومەتا هەرێمێ و حکومەتا عێراقێ ل سەر شێوازێ ئیدارە و پەتڕۆل و بۆدجە لهەڤهاتن و پڕۆژە یاسایا بوودجه‌ی شاندنە په‌ڕله‌مانێ عێراقێ، ل جهێ هندێ پشتگیریا حکومەتا هەرێمێ بکەن، مژیلی هێجەتانە و دەرئێخستنا بەیانامەیانە ل دژی هەرێمێ بێی هەبونا چ سەدەما دڤێت بێژنە خەلکی ئەگر پەرلەمان رگریێ ل ڤێ لهەڤهاتنێ بکەت سەدەم هەرێما کوردستانێیە کو پەتڕۆلێ رادەست ناکەت".
ئاراس حەسو بەحسا وێیەکێ ژی کر، "وەک پارتی و حکومەتا هەرێمێ ب ئەشکەرا مە گوتیە، بڤى رەنگێ د پڕوژە یاسایێدا هاتی ئامادەینە پەتڕۆل و داهاتى رادەستی بەغدا بکەین، لێ ڕادەستکرنا پەتڕۆلێ و ڕادەستکرنا کوردستانێ دوو تشتێن جودانە".
ئەو ئەندامێ سەرکردایەتیا پارتی دبێژیت ژی، بلا هەمی خەلکێ کوردستانێ (دووست و نەیار ژی): "هەیا پارتی مابیت و هەیا گەلێ کوردستانێ دەنگی ب پارتی بدەت ئیرادا گەلێ کوردستانێ تەسلیمی بەغدا و چ کەسێن دی ناکەین".
ڕاگەهاندیە ژی، کو لدەف وان ژیان و مووچە گرنگن، لێ ب سەر بلندی ژیان ژ هەمی تشتا گرنگترە.
ئاراس حەسۆ ئاماژە ب وێیەکێ ژی کریە، "پارتی سەرشوریێ ناکەت و ژیانەکا ژ هەژی بۆ گەلێ کوردستانێ دابین دکەت و ئە{ گەلە دێ هەر ب سەربلندی مینیت".
ئەو ژی د دەمەکێ دایە، پارتی و یەکێتی دوو پارتێن دەستهەلاتدارێن ڤێ هەرێمێ نە و پێکهاتێن سەرەکیێن حکومەتێ نە، هەر دەربارەی لهەڤهاتنا هەرێم و بەغداژی، دوهی دوشەمبی، ئالا تالەبانی ئەنداما پەرلەمانێ عێراقێ ل فراکسیۆنا یەکێتی بۆ ئێن ئاڕ تی ڕاگەهاند، کو حکومەتا هەرێمێ رازییە مەهانە ٢٥٠ هەزار بەڕمیلێن پەتڕۆلێ ڕادەستی بەغدایێ بکەن.
بەحسا وێیەکێ ژی کریە، ئەو نەبوونا باوەریێ دناڤبەرا حکومەتا هەرێم و حکومەتا عێراقێ دەرئەنجامێ وێیەکێ یە چەندین جاران لهەڤهاتن هاتیە کرن دناڤبەرا هەردوو ئالیا دا، لێ هەرێم لسەر لهەڤهاتنێ پیگرنەبوویە.
ژ ئالیەکێ دی ڤەژی، رێزان شێخ دلێر ئەندامێ پەرلەمکانێ عێراقێ ل فراکسیۆنا یەکێتی بەحسا وێیەکێ کربوو، "هەیا نها حکومەتا هەرێمێ ب کردار ئامادەیا خۆ بۆ ڕادەستکرنا پەتڕۆلێ ب بەغدا نیشان نەدایە".