سەرنووچە:

ئێن ئاڕ تی زانیاریێن نوو دەربارەی لهەڤهاتنا هەرێم و بەغدایێ ئەشکەرا دکەت

دەربارەی کریزێن دارایی
فۆتۆ: 
2020-12-03

1946 جار خوێندراوەتەوە

پەیڤدارێ حکومەتا عێراقێ و وەزیرێ رۆشنبیری بۆ ئێن ئاڕ تی ڕاگەهاند، کریزێن دارایی یێن ناڤبەرا حکومەتا عێراق و هەرێمێ بەرەڤ چارەسەریێ دچن و ل چەند رۆژێن داهاتی دا دێ گەهنە لهەڤهاتنێ.

حەسەن نازم، پەیڤدارێ حکومەتا عێراقێ و وەزیرێ رۆنشبیریێ وی وەلاتی ب ئێن ئاڕ تی ڕاگەهاند، کریزێن دارایی یێن ناڤبەرا هەرێم و بەغدایێ بەرەڤ چارەسەرکرنێ دچن و د جڤاتا وەزیرێن عێراقێ بزاڤێن جدی هەنە هەیا کو ئەو کریز بهێنە چارەسەرکرن".

بەحسا وێیەکێ ژی کر، "ل چەند رۆژێن داهاتی ب بزاڤا هەردوو ئالیان دگەهنە لهەڤهاتنێ".

ژ دەستپێکا مەها دەربازبووی دا، پەرلەمانێ عێراقێ بێێ ڕازیبوونا پەرلەمانتارێن کورد، یاسایا کورتئینانا دارایی( یاسایا قەران) دەربازکر.

ل مەها تەباخا ئەڤسالە دا حکومەتا عێراقێ وهەرێمێ لهەڤهاتنەک ئەنجامدا و تێدا هاتبوو، کو بۆ دەمێ سێ مەهان حکومەتا فیدڕال مەهانە ٣٢٠ ملیار دینار دشنیت و ب وێیەکێ ژی، هەرێم دگەل داهاتێ ناڤخۆ و داهاتێن دی موچەیێ فەرمانبەرێن خۆ پێ دابیندکەت، لێ هەیا نها عێراقێ، دوو جاران ٣٢٠ ملیار دینارێن بەشە بودجەیا هەرێمێ شاندیە.