سەرنووچە:

لژنا بلندا ئارامیا پارێزگەها سلیمانیێ: ڕێ ب خۆنیشاندانا بێ مۆلەت ناهێتەدان

فۆتۆ: 
2020-12-03

319 جار خوێندراوەتەوە

لژنا بلندا ئارامیا سلێمانیێ دەربارەی خۆنیشاندانێن ئەڤرۆ یا  وی باژاری  راگەهاند، هەر خرڤەبوون و جڤینەک بێی رازیبوونا بەروەخت یا لژنا وان رێ پێناهێتەدان.

لژنا بلندا ئارامیا پاریزگەها سلێمانیێ د راگەهاندنا خۆ دا ئاماژە ب وێیەکێ ژی کریە، "تێکدانا ئارامیا باژاری و ڕاگڕتنا لڤینا بازاری د ڤێ قەیرانا ئابووریا دژواردا د بەرژەوەندیا توێژێن جڤاکی دا نینە".

لژنەیێ د ڕاگەهاندنا خۆ دا داخوازێ ژ هەموو هێزان دکەت ئارامی و ئاسایشێ بپارێزن و خۆ دویربئێخن ژ هەر رووبرووبون و توندوتیژیەکێ.

ئەڤەژی د دەمەکێ دایە، هەر ئەڤرۆ دوو تیمێن ئێن ئاڕ تی ژ ئالیێ هێزێن ئەمنی ڤە هاتنە دەستەسەرکرن.

ژ دووهی وەرە خۆنیشاندان ل باژارێ سلێمانیێ برێڤەدچن و د نها دا خۆنیشاندان دناڤا بازار و بەردەرگێ سەرایا وی باژاری یا بەردەوامە، و هێزێن ئەمنی ژی ب گازا رووندکرێژ رێگریێ ژ خۆنیشاندەران دکەن.