سەرنووچە:

بریارا پارڤەکرنا مووچەیێ ڤێ وەزارەتێ هاتەدان

فۆتۆ: 
2020-12-03

2502 جار خوێندراوەتەوە

وەزارەتا داراییا هەرێمێ راگەهاند، رۆژا ئێکشەمبی، ٢٠٢٠/١٢/٦ێ، مووچەیێ مەها ئۆکتۆبەرا دەربازبوی یێ وەزارەتا پێشمەرگەی، دیوانا وەزارەتێ و لیوا و یەکەێن ٧٠ و ٨٠ ب لیبرینا ٢١% ڤە دێ هێتە پارڤەکرن.

ئەڤەژی ددەمەکی دایە، ئەڤرۆ پێنجشەمبی وەزارەتا دارای دەست ب پارڤەکرنا مووچەیێ هەمان مەهـ یێ وەزارەتا ساخلەمیێ دکەت.

دووهی چوارشەمبی د جڤینا جڤاتا وەزیرێن هەریمێ دا بریار هاتە دان دەست ب پارڤەکرنا مووچەیێ مەها ئۆکتۆبەرا دەربازبوی بهێتەکرن.

ئەف مووچەیێ دهێتە پارڤەکرن، مووچەیێ مەها ١٠ یا ئەڤساڵەیە و رێژا ٢١%ێ ژێ دهێتەبرین، و مووچەیی پلەبلندان ژی ب رێژا ٥٠%ێ دهێتەبرین.

د نها دا فەرمانبەر و مووچەخۆرێن هەریمێ د مەها ١٢ دانە و ئەڤرۆ مووچێ مەها ١٠ وەردگرن، د دەمەکێ دا عێراقێ بریارا خەرجکرنا مووچەیێ مەها ١٢ دایە و ل دەستپێکێ ژی مووچەیێ خانەنشینان دێ هێتە پارڤەکرن.

د ئەڤساڵە دا و ژبلی ڤی مووچەیێ کۆ بریارە بهێتە پارڤەکرن، هەتا نها حکومەتا هەرێمێ بتنێ چار مووچەیێن فەرمانبەران پارڤەکرنە و پێنج مووچەژی پاشەکەفتکرنە، ئەڤەژی زێدەباری وێیکێ کۆ ژ وان چار مووچەیێن پارڤەکری سێ ب لێبرینڤە بوون.