سەرنووچە:

شاسوار عەبدولواحید: ل هەمبەر زێدەکرنا دەنگێن قوباد تاڵەبانی یەکێتی سەختەکاریا پارتی قەبوڵکر

فۆتۆ: 
2020-11-24

416 جار خوێندراوەتەوە

سەرۆکی ڤەلڤینا نەوەی نوێ راگەهاند، ل دوماهیا ھەڵبژاردنا پەرلەمانێ کوردستانێ ل هەمبەر سۆزا پارتی بۆ زێدەکرنا دەنگێن قوباد تاڵەبانی ل دەنگێن وی، یەکێتی سەختەکارییەکا زۆریا پارتی قەبوڵکر، دبێژیت ژی، مەسعود بارزانی بەنداڤا بێخمێ وەک مەزنترین پرۆژێ ستراتیجی راگرتیە.

شاسوار عەبدولواحید سەرۆکێ ڤەلڤینا نەوەی نوێ د بەرنامەیێ تاوتوێ یێ ئێن ئاڕ تیدا راگەهاند، د ھەڵبژاردنێن ٢٠١٨ێ دا پارتی ب سەختەکاریی کورسیێن خۆ ل ٣٠ کورسیان کربوونە ٤٥ کورسی و نوێنەرێن حزبێن دی ژی ل کۆمسیۆنا ھەڵبژارتنان قەبوڵ نەکربوو، لێ  ل هەمبەر ئەو سۆزێن پارتی کو دابوون، قوباد تاڵەبانی ب نوێنەرێن یەکێتی گۆتبوو ئەنجامێ ھەڵبژارتنان قەبوڵبکەن.

ئاماژەب وێیەکێ ژی کر، یەکێتی د ناڤخۆ دا جوداهیا فکری و سیاسی و ئیداری نییە، بەڵکو ناکۆکی لسەر پارەی و وێ چەندێ یە کا کێ  چەند دێ دەستکەڤیت ئەو ناکۆکیە ژی، کو نیشان ددەن تنێ نمایشە.

سەرۆکی ڤەلڤینا نەوەی نوێ راگەهاند ژی، مەسعود بارزانی دەما ٣٠ ساڵە مەزنترین پرۆژێ ستراتیجی راگرتیە، کو بەنداڤا بێخمێ یە و ئەگەر دروستکربایە ھەموو ئاریشێن کارەبا ھەرێمێ دا چارەسەربن.

بەحسا وێیەکێ ژی کر، ساڵانە حکومەتا ھەرێمێ زێدەتری ٦٠٠ ملیۆن دۆلاران ددەتە کۆمپانیێن سەرب پارتی و یەکێتی بۆ بەرھەمئێنانا کارەبێ، لێ ئەگەر ئەو بەنداڤا بێخمێ ھەبایە نها مە پارە ب کارەب نەددا.

شاسوار عەبدولواحید دبێژیت ژی، یەکێتی و پارتی چ پڕۆژەیەکێ ستراتیجی ئەنجام نەدایە، تاکە کارێ وان کربیت راکێشانا بۆریا نەفتێ یە، کو ب پارەیێ ھەرێمێ دروستکریە لێ ئەوژی فرۆتیە کۆمپانیەکا روسی و نها ئەو کۆمپانی پارەی ل ھەرێمێ وەردگریت.

 

بۆ بینینا تەمامیا بەرنامەی کلیکێ لڤێرە بکە