سەرنووچە:

وەزیرێ ساخلەمیا عێراقێ: هەشت ژەمێن ڤاکسینا کۆرۆنایێ دێ کڕین

فۆتۆ: 
2020-11-24

269 جار خوێندراوەتەوە

وەزیرێ ساخلەمیا عێراقێ ڕاگەهاند، پارەیێ هەشت ملیۆن ژەم ژ ڤاکسینا کۆرۆنا یێ بەرهەڤە و هەر دەما ڤاکسین بهێتە پەسەندکرن، ئەو بەشێ ڤاکسینێ دێگەهیتە عێراق و هەرێما کوردستانێ.

حەسەن محەمەد تەمیمی بۆ ئێن ئاڕ تی ڕاگەهاند، ژ وێ ڤاکسینا کو دگەهیتە عێراقێ ، پارێ تەڤاهیا پارێزگەهێن عێراقێ تێدایە ب هەرێما کوردستانێ ژی.

بەحسا وێیەکێ ژی کریە، کو ڤاکسین ب تەنێ ب کەسێن کو ژیێ وان زێدەتری ٥٠ ساڵن دهێتە دان، هەیا ئەو کەس نەبن کو  تەمەن و رەوشا وان یا تەیبەت بیت.

ڕاگەهاند ژی، کو پشکا عێراق ژ وێ ڤاکسینێ ب ڕیژەیا سەدی٢٠ ژ کۆما هەژمارا ئاکنجیێن عێراقێ هاتیە دیارکرن، دبێژە ژی، عێراق کۆگەها تایبەت بۆ ڤاکسینی  تەرخانکریە کو ھندک ژ وێ ڤاکسینێ پێدڤیە د پلەیا گەرمیا ٨٠ ێ بهێنە کۆگەهکرن.

د چەند رۆژێن دەربازبووی دا، کۆمپانیا فایزەر و مۆدێرنایا ئەمریکی ڕاگەهاندن، ڤاکسینا وان ب رێژەیا نێزیکی ٩٥% باندۆر نیشاندایە و ب ئاوایەکێ فەرمی د چەند حەفتیێن داهاتی دا چاڤەڕێی پەسەندکرنێ دکەن.

ژ ئالیەکێ دی ڤە، بەرپرسێن زانینگەها ئۆکسفۆردێ ڕاگەهاندن، کو رێژەیا سەرکەفتن ب باندۆربووونا ڤاکسینا وان د ناڤبەرا سەدێ ٧٠ ێ بۆ سەدێ ٩٠ ە و سەرۆکوەزیرێ بەریتانیا ژی ب  نووچەیەکا ناوازە  بناڤ دکەت

دروستکرن و پەرەپێدانا ڤاکسینێ چەندین قۆناغێن دەمدرێژ ژ خۆدگریت و لگور ستانداردان  ١٢ هەیا  ١٨ مەهان پێ دچیت، ئەگەر جیهان د وێ دەما کێم دا  ڤاکسینی دەستبئێخەت، ئەو دبیتە  ریکۆردەکا نوو بۆ کارێ زبارە و هەڤپار یێ مرۆڤایەتیێ د  سەردەما کۆرۆنایێ دا.