سەرنووچە:

ل عێراقێ هەژمارا توشبویێن کۆرۆنایێ ل چێبوویان زێدەترە

فۆتۆ: 
2020-11-24

188 جار خوێندراوەتەوە

دەما ٢٤ دەمژمێرێن دەربازبوویی دا، ل عێراقێ دوو هزار و ٢٩٢ حالەتێن نوویێن توشبوون بە کۆرۆنایێ و دوو هزار و ١٣٠ چێبوونەڤە و ٣٥ ژیان ژدەستدان هاتنە تۆمارکرن، ل عێراقێ هەژمارا چێبوویەڤان ژ توشبوویان ب کۆرۆنایێ زێدەترە.

ئەڤرۆ سێشەمبێ، وەزارەتا ساخلەمیا عێراقێ راگەهاند، د دەما ٢٤ دەمژمێرێن دەربازبوویی دا دوو هزار و ٢٩٢ حالەتێن نوویێن توشبوون ب کۆرۆنایێ هاتنە تۆمارکرن و ژ وێ هەژمارێ ژی، ٥٠٠ حالەت ژ وان ل هەرێما کوردستانێنە.

هەڤدم، ژ کۆما وان ٥٠٠ حالەتێن هەرێما کوردستانێ، ١٣٥ ل هەولێرێ، ١٩٦ ل سلێمانیێ و ١٦٩ ل دهۆکێنە.

دیارکریە ژی، دوو هزار و ١٣٠ کەس ژ نەخۆشیێ چێبووینەڤە، کو ٢١١ ژ وان ل هەرێمێنە ب ئاوایەکێ ١١٥ ل هەولێرێ، ٥٥٤ ل سلێمانیێ و ل دهۆکێ ٤١بوونە.

ساخلەمیا عێراقێ بەحسا وێیەکێ ژی کریە، ٣٥ کەسان ب نەخۆشیێ ژیانا خۆ ژدەستدانە کو ٢١ حالەت ژ وان ل هەرێمێنە، ب ئاوایەکێ ل هەولێرێ پێنج، ل سلێمانیێ ١١ و ل دهۆکێ پێنج حالەتن.

لدیف داوی ئاماران، ھەیا نھا ٥٣٩ هزار و ٧٤٩ کەس ل عێراقێ توشی ڤایرۆسێ کۆرۆنایێ بووینە، ژ وێ ھەژمارێ ژی ١٢ هزار و ٣١ کەسان ژیانا خۆ ژدەستداینە، ٤٦٩ هزار و ٧٨٤ کەس ژی ژ نەخوشیێ چێبووینەڤە.

لگۆری داویی ئاماران، ھەیا نھا ٩٤ ھزار و ٤٢١ حالەتێن توشبوون ب ڤایرۆسێ کۆرۆنایێ ل ھەرێمێ ھاتنە تۆمارکرن، ژ وێ هەژمارێ ژی ٥٨ ھزار و ٣١٦ کەس ژ نەخۆشیێ چێبووینەڤە وسێ ھزار و ٣١کەسان ژی ژیانا خۆ ژدەستدانە.

غ.ت