سەرنووچە:

ڕێکخراوا ئەمنستی: ئاوارە ل هەرێما کوردستانێ و عێراقێ دهێنە ئەشکەنجەدان

فۆتۆ: 
2020-11-24

257 جار خوێندراوەتەوە

رێکخراوا ئەمنستی ئینتەرناشناڵ، حکومەتا هەرێما کوردستانێ و حکومەتا عێراق تۆهمەتباردکات کو ب هێجەتا پەیوەندی هەبوون دگەل چەکدارێن داعشێ ئەشکەنجەیا ئاوارە و دەربەدەران  ددەن.

رێکخراوا ئەمنستی، ئەڤرۆ سێشەمبی د راپۆرتەکا نوی دا ڕاگەهاندیە، دەستهڵاتدارێن هەولێر و بەغدا، ب ئاوایێ هۆڤانە و "نەدادپەروەرانە" ئاوارەیان دەستەسەردکەن و د دەما دەستەسەرکرنێ  ژی دا  دهێنە ئەشکەنجەدان.

هەروسا ڕەخنەیێن دژوار ژ هەردوو حکومەتا هەرێم و عێراقێ دگریت  و پێرا دبێژیت، " ئەو دکارن ب بەڵگەیێن  یەکئالیکەر، وان تۆهمەتان بسەلمێنن، کو ب هزاران ئاوارە چاوا هاتینە چەوساندن و مافێن وان هاتنە بنپێکرن".

لگورەی وێ راپۆرتێ، میناکا چاڤپێکەفتنان ل کەمپێن ، دیبەگە، حەسەن شام ٢، حەسەن شام ٣ و کەمپا خازر لسنورێ پارێزگەها هەولێرێ و کەمپا گەرماو ل پارێزگەها دهۆکێ هاتیە دان، لێ چ ئاماژە ب کەمپێن سنورێ پارێزگەها سلێمانی نەهاتیە کرن .

ل سنورێ دەستهڵاتا حکومەتا عێراقێ ژی، کەمپێن  نەمروود، سەلامییەیا یەک و دوو، ل پارێزگەها نەینەوا، هاتینە وەرگرتن.